1 AmaKhosi 1:32-48
1 AmaKhosi 1:32-48 IsiZulu 2020 (ZUL20)
Inkosi uDavide yayisithi: “Ngibizele uZadoki umphristi, uNathani umphrofethi, noBhenaya, indodana kaJehoyada.” Base beza phambi kwenkosi. Inkosi yathi kubo: “Thathani izinceku zenkosi yenu nigibelise uSolomoni, indodana yami, umnyuzi wami, nimehlisele eGihoni. UZadoki, umphristi noNathani, umphrofethi bayakumgcoba lapho uSolomoni ukuba abe yinkosi kwa-Israyeli, bese nibetha amacilongo, nithi: ‘Mana njalo, nkosi Solomoni.’ “Bese nimlandela, nenyuke emva kwakhe aze afike ahlale esihlalweni sami sobukhosi, ngokuba nguye engimkhombe ukuba abe yinkosi phezu kuka-Israyeli noJuda.” UBhenaya, indodana kaJehoyada, wayiphendula inkosi, wathi: “Makube njalo; uSimakade uNkulunkulu wenkosi yami, inkosi, makasho njalo naye. Njengalokhu uSimakade ubenayo inkosi yami, inkosi, sengathi angaba naye uSolomoni, asenze isihlalo sakhe sobukhosi sibe sikhulu kunesihlalo sobukhosi senkosi yami, inkosi uDavide.” UZadoki umphristi, uNathani umphrofethi, uBhenaya, indodana kaJehoyada, amaKherethi namaPhelethi behla, bamgibelisa uSolomoni emnyuzini wenkosi uDavide, bamyisa eGihoni. UZadoki, umphristi, wathatha uphondo lwamafutha ethendeni, wamgcoba uSolomoni. Babetha amacilongo, bonke abantu bathi: “Mana njalo, nkosi Solomoni.” Bonke abantu benyuka belandela uSolomoni bebetha amacilongo. Bathokoza ngokuthokoza okukhulu, kwaze kwangathi kuqhekezeka umhlaba ngenxa yomsindo wabo. U-Adoniya nabo bonke ayebamemile bawuzwa umsindo lapho nje beqeda ukudla. UJowabe ezwa ukukhala kwecilongo, wathi: “Ungowani lo msindo wokuxokozela emzini na?” Esakhuluma nje, nakho-ke sekufika uJonathani, indodana ka-Abhiyathara, umphristi. U-Adoniya wathi: “Ngena ngokuba wena uyindoda elungile, uphethe izindaba ezinhle.” UJonathani waphendula wathi ku-Adoniya: “Qha, nkosi yethu, inkosi uDavide imbekile uSolomoni inkosi. Inkosi ithumele noZadoki umphristi, uNathani umphrofethi, uBhenaya, indodana kaJehoyada, amaKherethi namaPhelethi, bamgibelisa emnyuzini wenkosi. UZadoki, umphristi noNathani, umphrofethi bamgcobile eGihoni ukuba abe yinkosi. Manje sebenyukele khona bejabula, lo msindo omkhulu emzini yiwo eniwuzwileyo. Kumanje nje, uSolomoni usehleli esihlalweni sobukhosi sombuso. Nezinceku zenkosi zifikile ukuzoyihalalisela inkosi yethu, inkosi uDavide, zithi: ‘UNkulunkulu wakho makalenze libe lihle igama likaSolomoni ukwedlula elakho. Isihlalo sakhe sobukhosi sibe sikhulu kunesihlalo sakho sobukhosi; inkosi yakhothamisa ikhanda embhedeni wayo.’ “Yayisithi: ‘Makadunyiswe uSimakade uNkulunkulu ka-Israyeli ommisile namuhla ozohlala esihlalweni sami sobukhosi, ngisabona ngamehlo ami.’ ”
1 AmaKhosi 1:32-48 Contemporary Zulu Bible 2024 (CZB24)
Inkosi uDavide yathi: “Ngibizeleni uZadoki umpristi noNathani umprofethi noBenaya indodana kaJehoyada. Basebesiza phambi kwenkosi. Inkosi yasisithi kubo: Thathani izinceku zenkosi yenu, lihambe lani, uSolomoni indodana yami agibele umnyuzi wami, limehlisele eGihoni. USadoki umpristi noNathani umprofethi bamgcobe khona abe yinkosi kwa-Israyeli; nishaye icilongo nithi: ‘Mayisindiswe inkosi uSolomoni! Bese nenyukela emva kwakhe, ukuze afike ahlale esihlalweni sami sobukhosi; ngoba uzakuba yinkosi esikhundleni sami, njalo ngimbeke umbusi phezu kukaIsrayeli laphezu kukaJuda. UBenaya indodana kaJehoyada wayiphendula inkosi, wathi: “Amen, usho kanje uJehova uNkulunkulu wenkosi yami, inkosi, naye. Njengalokhu uJehova wayenenkosi yami, inkosi, makabe noSolomoni, asenze isihlalo sakhe sobukhosi sibe sikhulu kunesihlalo sobukhosi senkosi yami, inkosi uDavide. Khona behla uSadoki umpristi, noNathani umprofethi, noBenaya indodana kaJehoyada, namaKreti namaPheleti, bamkhwelisa uSolomoni phezu komnyuzi wenkosi uDavide, bamyisa eGihoni. USadoki umpristi wayesethatha uphondo lwamafutha etendeni, wamgcoba uSolomoni. Bavuthela amacilongo; bonke abantu bathi: “Mayisindiswe inkosi uSolomoni! Bonke abantu bakhuphuka bamlandela, abantu babetha imitshingo, bajabula ngokujabula okukhulu, kwaze kwadabuka umhlaba ngokukhala kwabo. U-Adoniya nabo bonke abamenyiweyo ababe naye bezwa lokho sebeqedile ukudla. UJowabe esezwa ukukhala kwecilongo wathi: “Kungani lo msindo womuzi? Esakhuluma, kwafika uJonathani indodana ka-Abiyathara umpristi; u-Adoniya wathi kuye: “Ngena!” ngoba uyindoda enesibindi futhi uletha izindaba ezinhle. UJonathani waphendula, wathi ku-Adoniya: “Bheka, inkosi yethu, inkosi, uDavide, ibeke uSolomoni inkosi. Inkosi yathuma uSadoki umpristi, noNathani umprofethi, noBenaya indodana kaJehoyada, namaKreti namaPheleti kanye naye, bamkhwelisa kuwo umnyuzi wenkosi. USadoki umpristi noNathani umprofethi bamgcoba eGihoni ukuba abe yinkosi; Lo msindo owuzwile. USolomoni laye uhlezi esihlalweni sobukhosi. Ngaphezu kwalokho, izinceku zenkosi zifikile ukuyibusisa inkosi yethu, inkosi uDavide, zathi: ‘UNkulunkulu makenze igama likaSolomoni libe ngcono kunegama lakho, enze isihlalo sakhe sobukhosi sibe sikhulu kunesihlalo sakho sobukhosi. Inkosi yakhothama embhedeni. Yayisithi futhi inkosi: “Makabongwe uJehova uNkulunkulu ka-Israyeli onginike namuhla umuntu ukuba ahlale esihlalweni sami sobukhosi, amehlo ami ekubona.”
1 AmaKhosi 1:32-48 IBHAYIBHELI ELINGCWELE (ZUL59)
Inkosi uDavide yayisithi: “Ngibizele uSadoki umpristi, noNathani umprofethi, noBenaya indodana kaJehoyada.” Bafika phambi kwenkosi. Inkosi yathi kubo: “Thathani izinceku zenkosi yenu, nimkhwelise uSolomoni indodana yami kuwo umnyuzi* wami, nimehlisele eGihoni, uSadoki umpristi noNathani umprofethi bamgcobe khona abe yinkosi phezu kuka-Israyeli; bese nibetha amacilongo, nithi: ‘Mana njalo, nkosi Solomoni.’ Bese nenyuka emva kwakhe, afike ahlale esihlalweni sami sobukhosi, ngokuba uyakuba yinkosi esikhundleni sami; ngimbekile ukuba abe ngumbusi phezu kuka-Israyeli noJuda.” UBenaya indodana kaJehoyada wayiphendula inkosi, wathi: “Amen; uJehova uNkulunkulu wenkosi yami, inkosi, makasho njalo naye. Njengalokho uJehova waba nenkosi yami, inkosi, makabe naye uSolomoni, asenze isihlalo sakhe sobukhosi sibe sikhulu kunesihlalo sobukhosi senkosi yami, inkosi uDavide.” Base behla uSadoki umpristi, noNathani umprofethi, noBenaya indodana kaJehoyada, namaKhereti namaPheleti, bamkhwelisa uSolomoni kuwo umnyuzi* wenkosi uDavide, bamyisa eGihoni. USadoki umpristi wathatha uphondo lwamafutha etendeni, wamgcoba uSolomoni. Babetha amacilongo, bonke abantu bathi: “Mana njalo, nkosi Solomoni.” Bonke abantu benyuka emva kwakhe, abantu babetha imitshingo. Bathokoza ngokuthokoza okukhulu, kwaze kwangathi kuqhekezeka umhlaba ngomsindo wabo. U-Adoniya nabo bonke abamenyiweyo ababe naye bawuzwa sebeqedile ukudla. UJowabe esezwa ukukhala kwecilongo wathi: “Ngowani lo msindo wokuxokozela emzini na?” Esakhuluma, bheka, kwafika uJonathani indodana ka-Abiyathara umpristi; u-Adoniya wathi: “Ngena, ngokuba wena uyindoda enamandla; uze nodaba oluhle.” UJonathani waphendula, wathi ku-Adoniya: “Qha, inkosi yethu, inkosi uDavide, imbekile uSolomoni inkosi; inkosi ithumile naye uSadoki umpristi, noNathani umprofethi, noBenaya indodana kaJehoyada, namaKhereti namaPheleti, bamkhwelisa kuwo umnyuzi* wenkosi; uSadoki umpristi noNathani umprofethi bamgcobile eGihoni abe yinkosi; sebenyukile khona bejabula, ngangokuba kwakhamuluka umuzi. Yiwo umsindo eniwuzwile. Futhi uSolomoni usehlezi esihlalweni sobukhosi sombuso. Nezinceku zenkosi zafika ukuyibusisa inkosi yethu, inkosi uDavide, ngokuthi: ‘UNkulunkulu wakho makenze igama likaSolomoni libe lihle kunegama lakho, asenze isihlalo sakhe sobukhosi sibe sikhulu kunesihlalo sakho sobukhosi; inkosi yakhothama embhedeni wayo.’ Futhi yasho kanje inkosi, yathi: ‘Makabusiswe uJehova uNkulunkulu ka-Israyeli omisile namuhla oyakuhlala esihlalweni sami sobukhosi, ekubona amehlo ami.’ ”