1 kwabaseKorinte 10:23-33
1 kwabaseKorinte 10:23-33 Baasraak Zulu New Testament Bible (ZULUNT)
Zonke izinto zivunyelwe kimi, kepha akusizi konke; kuvunyelwe kimi zonke, kepha akwakhi zonke. Makungabikho ozifunela okwakhe, kodwa kube yilowo nalowo inotho yomunye. Konke okuthengiswa esilawini kudleni, ningabuzi lutho ngenxa kanembeza; Ngokuba umhlaba ungokaJehova nokugcwala kwawo. Uma omunye kwabangakholwayo enimema, nithanda ukuya; kudleni konke okubekwa phambi kwenu, ningabuzi lutho ngenxa kanembeza. Kodwa uma umuntu ethi kini: Lokhu kuhlatshelwe izithombe, ningadli ngenxa yalowo okubonisileyo nangenxa kanembeza, ngokuba umhlaba ungoweNkosi nokugcwala kwawo; Kangitsho unembeza, kungeyisiwo owakho, kodwa owomunye; Ngokuba uma ngihlanganyela ngomusa, ngithukwa ngani ngalokho engikubongayo na? Ngakho-ke noma nidla, noma niphuza, noma nenzani, konke kwenzeleni udumo lukaNkulunkulu. Ningabakhubekisi amaJuda, nabezizwe, nakulo ibandla likaNkulunkulu; njengalokhu nami ngithokozisa bonke ezintweni zonke, ngingafuni inzuzo yami, kodwa eyabaningi, ukuze basindiswe.
1 kwabaseKorinte 10:23-33 IsiZulu 2020 (ZUL20)
Konke kuvunyelwe, kodwa akusizi konke; konke kuvunyelwe, kodwa akwakhi konke. Makungabi bikho ozifunela okwakhe, kepha akube yilowo nalowo afunele omunye. Konke okuthengiswa esilaheni kudleni, ningaphenyi lutho ngakho ngenxa kanembeza, ngokuba umhlaba ungoweNkosi, nakho konke okukuwo. Uma omunye wabangakholwayo enimema, nithanda ukuya lapho, kudleni konke okubekwa phambi kwenu, ningabuzi mbuzo ngenxa kanembeza. Kepha uma kukhona othi kini: “Lokhu kuhlatshelwe izithombe,” ningalokothi nikudle ngenxa yalowo osho kanjalo nangenxa kanembeza. Angisho unembeza wakho, kodwa unembeza walowo muntu. Kungani inkululeko yami ithiywe ngunembeza womunye na? Uma ngidla ngokubonga, pho ngigxekelwani ngalokho engikubongayo na? Ngakho-ke noma niyadla, noma niyaphuza, noma nenzani nje, konke kwenzeleni udumo lukaNkulunkulu. Ningabi yisikhubekiso kubaJuda, kumaGriki, noma kulo ibandla likaNkulunkulu, njengalokhu nami ngithokozisa bonke ngakho konke, ngingafuni okuzosiza mina kuphela, kodwa okusiza abaningi, ukuze basindiswe.
1 kwabaseKorinte 10:23-33 IBHAYIBHELI ELINGCWELE (ZUL59)
Kuvunyelwe konke, kodwa akusizi konke; kuvunyelwe konke, kodwa akwakhi konke. Akungabikho ozifunela okwakhe, kodwa akube yilowo nalowo afunele omunye. Konke okuthengiswa esilaheni* kudleni, ningahloli lutho ngenxa kanembeza, ngokuba umhlaba ungoweNkosi, nakho konke okukuwo. Uma omunye kwabangakholwayo enimema, nithanda ukuya, kudleni konke okubekwa phambi kwenu, ningabuzi lutho ngenxa kanembeza. Kepha uma umuntu ethi kini: “Lokhu kuhlatshelwe izithombe,” ningakudli ngenxa yalowo okushiloyo nangenxa kanembeza, kangisho owakho unembeza, ngisho owalowo omunye. Ngokuba yini ukuba inkululeko yami yahlulwe ngunembeza womunye na? Uma ngidla ngokubonga, ngihlanjalazelwani ngalokho engikubongayo na? Ngakho-ke noma nidla, noma niphuza, noma nenzani, konke kwenzeleni udumo lukaNkulunkulu. Ningakhubekisi nabaJuda, namaGreki, nabandla likaNkulunkulu, njengokuba nami ngithokozisa bonke ngakho konke, ngingafuni okungisiza mina kodwa okusiza abaningi, ukuze basindiswe.
1 kwabaseKorinte 10:23-33 Contemporary Zulu Bible 2024 (CZB24)
Zonke izinto zivunyelwe kimi, kepha akusizi konke; kuvunyelwe kimi zonke, kepha akwakhi zonke. Makungabikho ozifunela okwakhe, kodwa kube yilowo nalowo inotho yomunye. Konke okuthengiswa esilawini kudleni, ningabuzi lutho ngenxa kanembeza; Ngokuba umhlaba ungokaJehova nokugcwala kwawo. Uma omunye kwabangakholwayo enimema, nithanda ukuya; kudleni konke okubekwa phambi kwenu, ningabuzi lutho ngenxa kanembeza. Kodwa uma umuntu ethi kini: Lokhu kuhlatshelwe izithombe, ningadli ngenxa yalowo okubonisileyo nangenxa kanembeza, ngokuba umhlaba ungoweNkosi nokugcwala kwawo; Kangitsho unembeza, kungeyisiwo owakho, kodwa owomunye; Ngokuba uma ngihlanganyela ngomusa, ngithukwa ngani ngalokho engikubongayo na? Ngakho-ke noma nidla, noma niphuza, noma nenzani, konke kwenzeleni udumo lukaNkulunkulu. Ningabakhubekisi amaJuda, nabezizwe, nakulo ibandla likaNkulunkulu; njengalokhu nami ngithokozisa bonke ezintweni zonke, ngingafuni inzuzo yami, kodwa eyabaningi, ukuze basindiswe.