1 iziKronike 16:23-34
1 iziKronike 16:23-34 IBHAYIBHELI ELINGCWELE (ZUL59)
Hlabelelani kuJehova, mhlaba wonke, nimemeze insindiso yakhe imihla ngemihla. Landani inkazimulo yakhe phakathi kwabezizwe, izimangaliso zakhe phakathi kwabantu bonke. Ngokuba mkhulu uJehova, udumisekile kakhulu; uyesabeka phezu kwabo bonke onkulunkulu. Ngokuba bonke onkulunkulu babezizwe bayizithombe, kepha uJehova walenza izulu. Udumo nobukhosi kusebusweni bakhe; amandla nokuthokoza kusendaweni yakhe. Mnikeni uJehova nina mindeni yabantu, mnikeni uJehova inkazimulo namandla. Mnikeni uJehova inkazimulo yegama lakhe, nilethe umnikelo, nize phambi kwakhe, nikhuleke kuJehova ngobuhle bobungcwele. Thuthumelani ebusweni bakhe, mhlaba wonke; izwe lihlala liqinile, alinakushukunyiswa. Malijabule izulu, umhlaba uthokoze; makuthiwe ezizweni: UJehova uyinkosi. Maluhlokome ulwandle nokugcwala kwalo, amasimu ename nakho konke okukuwo. Khona imithi yehlathi iyakuhuba ngokujabula ebusweni bukaJehova, ngokuba uyeza ukwahlulela umhlaba. Bongani uJehova, ngokuba muhle, ngokuba umusa wakhe umi phakade.
1 iziKronike 16:23-34 IsiZulu 2020 (ZUL20)
Hlabelela kuSimakade mhlaba wonke, memezela izimangaliso zakhe usuku nosuku. Landani ngenkazimulo yakhe phakathi kwabezizwe, izimangaliso zakhe phakathi kwabantu bonke. Ngokuba mkhulu uSimakade, ufanele ukudunyiswa kakhulu; uyesabeka ngaphezu kwabo bonke onkulunkulu. Bonke onkulunkulu babezizwe bayizithombe ezingenamsebenzi, kepha uSimakade walenza izulu. Udumo nobukhosi kusebusweni bakhe; amandla nokuthokoza kusendaweni yakhe. Mnikeni uSimakade nina mindeni yabantu, mnikeni uSimakade udumo namandla. Mnikeni uSimakade udumo lwegama lakhe, nilethe umnikelo, nize phambi kwakhe, nikhuleke kuSimakade nihlobe ngobungcwele. Thuthumela phambi kwakhe, mhlaba wonke; izwe limisiwe, alinakunyakaziswa. Malijabule izulu, uthokoze umhlaba; makuthiwe ezizweni: “USimakade uyinkosi.” Maluhlokome ulwandle nokugcwala kwalo, kwename amasimu nakho konke okukuwo. Khona imithi yehlathi iyakukhamuluka ngokujabula phambi kukaSimakade, ngokuba uyeza uzokwehlulela umhlaba. Bongani uSimakade, ngokuba muhle, ngokuba umusa wakhe umi phakade.
1 iziKronike 16:23-34 Contemporary Zulu Bible 2024 (CZB24)
Hlabelelani kuJehova, mhlaba wonke! wenza insindiso yakhe yaziwe usuku nosuku. Shumayelani inkazimulo yakhe phakathi kwabezizwe; izimangaliso zakhe phakathi kwezizwe zonke. Ngokuba mkhulu uJehova, umelwe ukudunyiswa kakhulu; futhi uyesabeka ngaphezu kwabo bonke onkulunkulu. Ngoba bonke onkulunkulu bezizwe bayizithombe, kodwa uJehova wenza izulu. Inkazimulo nodumo kuphambi kobuso bakhe; amandla nenjabulo kusendaweni yakho. Mnikeni uJehova nina zizukulwane zabantu, mnikeni uJehova inkazimulo namandla. Mnikeni uJehova inkazimulo yegama lakhe; wenze umnikelo, uze phambi kwakhe; khonza uJehova ebuhleni bobungcwele. Mesabe ubuso bakhe, mhlaba wonke; izwe liyakusimama, linganyakaziswa. Malijabule izulu, umhlaba uthokoze, nabantu phakathi kwezizwe mabathi: UJehova uyinkosi. Maluhlokome ulwandle nokugcwala kwalo; amasimu mawajabule nakho konke okukuwo. Khona imithi yehlathi izathokoza phambi kukaJehova, ngoba uyeza ukwahlulela umhlaba. Dumisani uJehova; ngoba muhle; ngokuba umusa wakhe umi phakade.
