MATEYO 8
8
1PAKAPWEKAYI lolo ku lupongo, bimbukuma binene biakamulandudila.
2Yi mona, muna sudi akalwa muxingila ene, Fumu aka wamananga, ubili kungukusula. 3Yi akaxombola kianca kienci, akamubaka kianca ene, Namananga ; kusuka. Yi kusama kwanci kwa sudi kwakancuka mangwoso. 4Yi Yisu akamutôyela ene, Tebela, kwambidi muntu ; mo yaka ya diebesi mikyebe kudi bokanda, longa lolo dilongi diakatôya Mosese, ndo kubatôbôlela ntôbô.
5Yi pakabwelayi mu Kapenaumu, kapalai ka masalai kakalwa kudiyi, kadi mu kumulomba 6ene, Fumu, musadi amene amalala mu ncibo, muna mbôyaponde ; ombombwa kusama kungi. 7Yi Yisu akamwambila ene, Meme nakulwa mupandisa. 8Yi kapalai kakamupingasa ene, Fumu, kisolelekyela Owe kubwela muxi mwa samba amene ; kate tôyapo diyi ditupu, musadi amene unapandixibwa. 9Bwalo bundi meme kabidi muntu muxi mwa bumanya, ntani yi masalai muxi mwamene ; ngwatôyela you ene, Yaka, kaya ; munga ene, Lwaka, kalwa ; kudi musadi amene, ene, Kisa nako, kakisa nako.
10Pakakwombwa Yisu, akakama, yi akatôyela bantu bakalanda ene, Nwatôyela sôsôlwo ene, Kiamona kwetabusa wungi noku mu Isalele pô. 11Mo nwatôyela ene, bantu bangi banalwa kulolwa munyinya yi kuyeya munyinya, banaxikama ku mesa yi Abalami yi Isaka yi Yakobo mu bufumu bwa diulu ; 12kaninga bana ba bufumu banatenyekyebwa ku mwedima ă kunci ; koku kunakala bidilu yi kukuya kwa meno.
13Yi Yisu akatôyela kapalai ene Yaka ; byekyene biapwetabusa, bia kali yinebe. Yi musadi akapandi xibwa pa ola you.
14Pakafika Yisu ku ncibo a Pit ; akamona mukwanci a babakaxi uxe mbamini yi kusama kwa mudilu 15akakwata kianca kienci, yi mudilu ăkamuxiya ; yei lolo akabika, aka musadila.
16Yi pakakwela butuku, bakacwala kudiyi bantu bangi bamakwacibwa yi bidimu bibi ; yi akapaula bidimu yi diyi, yi akapandisa batati boso ba kusama, 17bixefikixibwa mwakatôyebwa kudi Esaya mudimuxi ene Mikyenci akangata mabombu ecu yi akacwala masama ecu.
18Yisu lolo, pakamonayi bimbukuma binene biamamudinga, akatôya pa kuya ku dixia.
19Yi mufundi a mukanda akalwa mutôyela ene, Mweyexi, nakukulandudila kwoso kuyeya. 20Yisu akamwambila ene, Ngasama idi yi mbeto, yi nyonyi ya kulu idi yi maswa ; kaninga Mwana a muntu kiena yi kidi kia kuladika mucwe ănci.
21Mo munga mweyi akamwambila ene, Fumu ungulekyeli, mbeyapo buxi kuya ncika tetemi. 22Kaninga Yisu akamutôyela ene, Ungulandudili ; xiya bafu banciki bafu babo mikyeabo.
23Yi akakondela mu kibusu, yi beyi banci bakamulanda ; 24yi mona, diele diakatepa dingi ku ngiembi, biakancibikibwa kibusu yi diele ; kaninga yei akadi mu tulu. 25Yi beyi bakalwa mubisa ene, Fumu utupandisi, tutanafwa. 26Yi akabatôyela ene, Nwacina kukai, nonu bena kwetabusa kubende ? Akabika lolo, yi akakama mpepele yi mai, yi polo akalwa nya. 27Mo babalumi bakakama ene, Mwosambu kai ou ? biamamwedeya isanga mpepele yi mai.
28Pakasabukayi ku dixia ku mbata a baNgadala, bantu babidi bakapomanañana yinanci bamakwacibwa kudi bidimu bibi, batanabatuka mu kidi kia nkita, bamalekola yi bukitu, biakadi muntu kabiyi kudika pa ncila you. 29Yi mona, bakakwamena ene, Coco twakisa yinebe kai, Mwana a Ncembi ? Wapulwa kunu buxi bwa kikondo kulwa tutatisa ?
30Kulekule kwabo lolo kwakadi kibumbu kia ngulubi ya mbuxi, i yitanadya ; 31yi bidimu bibi biakamuxengula ene, Aka utwapaula, ututumi kudi kibumbu kia ngulubi ya mbuxi. 32Yi akabatôyela ene, Nuyi. Yi bakancuka yi bakabwela mu ngulubi ya mbuxi ; yi mona, kibumbu bungi bwakio kiakatuka mbilu ku lupongo tule lwa kuya ku mai, yakamafwa mu mai. 33Kaninga bobo bakayinama bakacina, yi bakaya ku bula, yi bakasakola bwalo dyendeli yi kipoma kiakaponena bantu bakadi bamakwacibwa kudi bidimu bibi.
34Yi mona, bungi bwa bena bula bakabatuka kuya pomana yi Yisu, yi pakamumonabo, bakamulomba ancuki ku mbata yabo.
Okuqokiwe okwamanje:
MATEYO 8: Luna_NT
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© La Société biblique de Genève
