Luka 24:1-8

Kwathi ngolokuqala lweviki, kusesekuseni kakhulu, bafika ethuneni bephethe amakha ababewalungisile, labanye kanye labo. Bafica itshe ligingqiwe lasuswa ethuneni. Sebengenile, abasifumananga isidumbu seNkosi uJesu. Kwathi besasambathekile yilokho, bheka, nanko amadoda amabili emi ngakubo, enezingubo ezicwebezelayo; Besaba bekhothamele phansi ngobuso, bathi kubo: “Nifunelani ophilayo kwabafileyo na? Kakho lapha, kodwa uvukile; khumbulani ukuthi wakhuluma njani kini eseseGalili. Esithi: INdodana yomuntu imele ukunikelwa ezandleni zabantu abayizoni, ibethelwe, ibuye ivuke ngosuku lwesithathu. Bawakhumbula amazwi akhe.