2 kwabaseThesalonika 2:13-17

Kepha thina simelwe ukubonga njalo kuNkulunkulu ngani, bazalwane abathandwa yiNkosi, ngokuba kwasekuqaleni uNkulunkulu wanikhethela ukusindiswa ngokungcweliswa kukaMoya nangokukholwa yiqiniso; anibizela kukho ngevangeli lethu, ekuzuzeni inkazimulo yeNkosi yethu uJesu Kristu. Ngakho-ke, bazalwane, yimani niqine, nibambe amasiko enawafundiswa, noma ngezwi noma ngencwadi yethu. Kepha iNkosi yethu uJesu Kristu uqobo, noNkulunkulu uBaba wethu owasithandayo nowasipha ngomusa induduzo yaphakade nethemba elihle; aduduze izinhliziyo zenu, aliqinise kuwo wonke amazwi nemisebenzi emihle.