Matius 1
1
Yesus Keretus ombawi endaklarit wulu wagagwa ininis warek wene
(Lukas 3:23-28)
1At Daut Averakam iperen enombao Yesus Keretus ombawi endaklarit wulu wagagwa ininis dirup warek ako yi:
2At Averakam abut Isak, Isak abut Yakup, eke Yakup aburi Yakura aswemuni inim endaginipigi. 3At Yakura aburi Veres Serah iperen endaginipigi. It inisa andi, hwa Tamar. At Veres abut Hesron, Hesron abut Ram, 4Ram abut Aminadap, Aminadap abut Nahason, Nahason abut Salomon, 5eke, Salomon abut andi Boas. Boas isa andi hwa Rahap ako. At Boas abut Ovet. Ovet isa andi hwa Rut ako. Ovet abut Isai, 6eke, Isai abut andi ap inis ombok Daut ako, it eneyave endaklagagwa anderogo.
Andien, Daut en Uria ogwa sogwa wigya lagagirik, Salomo endagagi. 7Salomo abut Eregaveam, Eregaveam abut Avia, Avia abut Asa, 8Asa abut Yosavat, Yosavat abut Yoram, Yoram abut Usia, 9Usia abut Yotam, Yotam abut Ahas, Ahas abut Hisikia, 10Hisikia abut Manase, Manase abut Amon, Amon abut Yosia, 11eke, it avakwa Iserali menda o Babel woginiviluk lagagwa ako vaga at Yosia akoen Yokonia aori inim endaginipigi.
12It avakwa Iserali menda o Babel woginiviluk lagu lagagwarik, at Yokonia en Sealsiel endagagi. Eke Sealsiel abut Serubavel. 13Serubavel abut Avihut, Avihut abut Eliakim, Eliakim abut Asor, 14Asor abut Sadok, Sadok abut Akim, Akim abut Elius, 15Elius abut Eliasar, Eliasar abut Matan, Matan abut Yakup, 16eke Yakup en Yusup hwa Maria agun ako endagagi. Hwa Maria en eyak Yesus nit andi Keretus yagalagwi ako endagagi.
17Andi halok, ap Averakam endaklagagi hudien mbikit, Daut endaklagagi hudi, it enombawi eneyave 14-at endaklarit wulu wagagwa. At Daut endaklagagi hudien mbikit, avakwa Iserali menda o Babel woginiviluk lagagwa hudi enombawi eneyave 14-at endaklarit wulu wagagwa. Eke avakwa Iserali menda o Babel woginiviluk lagagwa ako hudien mbikit Keretus endaklagagi hudi enombawi eneyave 14-at endaklarit wulu wagagwa.
Yesus Keretus endaklagagi wene
(Lukas 2:1-7)
18At Yesus Keretus endaklagagi ako andi, yerogoat endaklagagi. Isa Maria ap Yusup onggo bago werekma ovara iperen ao dambunggitek hegek, Ala Averiniki en okbagagi vaga hwa ako avula sigam agagi. 19Sigam agya lagagimu, agun Yusup ako endawi mondok sagain sek adigatma, endawi imbita dugwit, “Nogwa yi avakwa ovok inivaga inis weyak erogo baup nanggon o,” yiluk, “Mbauk erogo hekbayogon,” imbitigi.
20“Hekbaik a, dek a?” yiluk, endawi ao wenggenggu dugwit nogo yuguma, abi vaga Ala yonggo lakbisa wandiga malaikat menda ambi at adema wagya lagagirik, yugugu dugwit, “Hat Yusup Daut ombao yi wai. Hwa Maria avula aga ako andi, Ala Averiniki vaga avula agarikmu, hanggon imbita dugwit hekbabuk. Hat hogwa andiat hedomano. 21At eyak ap-at endarisogon o. Eke, endagya halok, owa-asin weyak ogasagwi ako Aren degerogo bisiluk, enagap wendarisogon atma, inis Yesus-at salop o,” yiluk, yugugu hagagi.
22-23 #
Yesaya 7:14 yokhanes. Andi yugugu hagagi ako andi, o endak erogo ap navi ambi Ala yugugu hegek yugeraliga menda en yugirigya dugwit, “At hwa ndugum ap agap ao vagatitek hegek avula agya dogomindik, eyak ap-at endarisogon o. Eke, endagya halok, At inis Imanuel-at yugu dogosogom o,” yiluk, yugeragagi ako, atma des yupwak yiluk, yugugu hagagi. Inis Imanuel yagalagwi ako, nit nenane vaga, “Ala Ninim Agurik o,” yagalagwi.
24Eke, at Yusup iluk agya lagagirik, at malaikat Ala yonggo menda ako en, “Anderogo ogaru,” yugogogi ako wane-wane ogwa Maria-at hedagagi. 25Hedagagi ovara, eyak ao endagetek hegek agap vagatitek-at welagagi. Andi okbaluk hwa ako eyak endagya lagagimu, at Yusup en inis Yesus-at sanggigi.
Okuqokiwe okwamanje:
Matius 1: nbq2013
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
