Sekwedlule izinsuku eziyisithupha, uJesu wathatha uPhethro, uJakobe, noJohane umfowabo, wenyukela nabo entabeni ende, bebodwa. Waphenduka esinye isimo bezibonela ngawabo; ubuso bakhe bakhanya njengelanga, izingubo zakhe zaba mhlophe njengokukhanya. Bheka, base bebona uMose no-Eliya bekhuluma naye. UPhethro wayesethi kuJesu: “Nkosi, kuhle ukuba sibe lapha. Uma uthanda, ngizakwakha lapha amadokodo amathathu, elinye kube ngelakho, elinye kube ngelikaMose, nelinye kube ngelika-Eliya.” Esakhuluma, kwafika ifu elikhanyayo labemboza, kwezwakala izwi livela efwini, lithi: “Lo uyiNdodana yami ethandekayo, engithokozile ngayo; yilaleleni.” Kuthe lapho bekuzwa lokho abafundi, bathi mbo ngobuso phansi, ngokuba babethukile kakhulu. Kepha uJesu wasondela, wabathinta, wathi: “Sukumani, ningesabi.” Kwathi lapho bephakamisa amehlo abo, ababona muntu, ngaphandle kukaJesu kuphela.
Funda NgokukaMathewu 17
Dlulisela
Qhathanisa zonke izinguqulo: NgokukaMathewu 17:1-8
Gcina amavesi, funda kungaxhunyiwe ku-inthanethi, buka iziqeshana zokufundisa, nokuningi!
Ikhaya
IBhayibheli
Amapulani
Amavidiyo