AmaHubo 52
52
Ukukhala ngobubi bomkhapheli ozigabisayo
Kumholi wokuhlabelela. IMaskili* likaDavide ekufikeni kukaDowegi wakwa-Edomi emazisa uSawule, ethi kuye: “UDavide ufikile endlini ka-Ahimeleki.”
1Uzigabiselani ngokubi wena siqhwaga na?
Umusa kaNkulunkulu umi njalo.
2 Ulimi lwakho lusongoza okubi njengempuco eloliweyo,
wena owenza amacebo.
3Uthanda okubi kunokuhle,
namanga kunokukhuluma ukulunga. Sela*
4Uthanda onke amazwi okubhubhisa wena lulimi lwenkohliso.
5Ngakho-ke uNkulunkulu uyakukubhidliza kuze kube phakade;
uyakukubamba, akukhiphe etendeni lakho,
akusiphule ezweni labaphilayo. Sela*
6 Abalungileyo bayakukubona, besabe;
bayakumhleka, bathi:
7 “Bheka, nasi isiqhwaga esingamenzanga uNkulunkulu abe yinqaba yaso,
kepha sethemba ingcebo yaso enkulu, siziqinisa ebubini baso.”
8 Kepha mina nginjengomnqumo oluhlaza
endlini kaNkulunkulu;
ngithemba umusa kaNkulunkulu njalonjalo
kuze kube phakade naphakade.
9Ngizakukudumisa kuze kube phakade, ngokuba ukwenzile;
ngizakulindela igama lakho,
ngokuba lihle phambi kwabangcwele bakho.
Okuqokiwe okwamanje:
AmaHubo 52: ZUL59
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© Bible Society of South Africa 1959, 1997. Used with permission. All rights reserved.