NgokukaMarku 11:27, 28, 29, 30, 31, 32, 33
NgokukaMarku 11:27 ZUL59
Babuye bafika eJerusalema; kwathi ehamba ethempelini, beza kuye abapristi abakhulu, nababhali, namalunga
NgokukaMarku 11:28 ZUL59
bathi kuye: “Lokhu ukwenza ngagunya lini na? Ngubani okunike leli gunya ukuze wenze lokhu na?”
NgokukaMarku 11:29 ZUL59
Kepha uJesu wathi kubo: “Ngizakunibuza izwi libe linye, nize ningiphendule; yikhona ngizakunitshela ukuthi ngenza lokhu ngagunya lini.
NgokukaMarku 11:30 ZUL59
Ukubhapathiza kukaJohane kwavela ezulwini noma kubantu na? Ngiphenduleni.”
NgokukaMarku 11:31 ZUL59
Bakhulumisana bodwa, bathi: “Uma sithi: ‘Ezulwini,’ uzakuthi: ‘Pho, anikholwanga nguye ngani na?’
NgokukaMarku 11:32 ZUL59
Kepha uma sithi: ‘Kubantu,’ ” besaba isixuku, ngokuba bonke bathi uJohane ungumprofethi impela.
NgokukaMarku 11:33 ZUL59
Base bemphendula uJesu, bathi: “Asazi.” Wayesethi uJesu kubo: “Nami anginitsheli ukuthi ngenza lokhu ngagunya lini.”
Bible App
Bible App for Kids
