NgokukaMathewu 2:1, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23
NgokukaMathewu 2:1 ZUL59
UJesu esezelwe eBetlehema laseJudiya emihleni kaHerode inkosi, bheka, kwafika izazi eJerusalema, zivela empumalanga, zithi
NgokukaMathewu 2:3 ZUL59
UHerode inkosi esekuzwile lokho wakhathazeka neJerusalema lonke kanye naye.
NgokukaMathewu 2:4 ZUL59
Wabutha bonke abapristi abakhulu nababhali besizwe, wabuza kubo ukuthi uKristu uzakuzalelwaphi.
NgokukaMathewu 2:5 ZUL59
Bathi kuye: “EBetlehema laseJudiya, ngokuba kulotshiwe kanjalo ngomprofethi ukuthi
NgokukaMathewu 2:6 ZUL59
“ ‘Nawe Betlehema, lizwe lakwaJuda, kawusiye omncane nakanye kubabusi bakwaJuda, ngokuba kuyakuvela kuwe umbusi oyakwalusa isizwe sami u-Israyeli.’ ”
NgokukaMathewu 2:7 ZUL59
Khona uHerode, ezibizile izazi ngasese, wabuzisisa kuzo isikhathi inkanyezi ebonakele ngaso
NgokukaMathewu 2:8 ZUL59
wazithuma eBetlehema, wathi: “Hambani nibuzisise ngomntwana; kuyakuthi nxa nimfumene, ningitshele ukuba nami ngiye ngikhuleke kuye.”
NgokukaMathewu 2:9 ZUL59
Seziyizwile inkosi, zamuka; bheka, inkanyezi ezayibona kwelasempumalanga yahamba phambi kwazo, yaze yafika yema phezu kwalapho umntwana ekhona.
NgokukaMathewu 2:10 ZUL59
Zathi ukuyibona inkanyezi, zathokoza ngokuthokoza okukhulu kakhulu.
NgokukaMathewu 2:11 ZUL59
Zase zingena endlini, zabona umntwana noMariya unina, zawa phansi, zakhuleka kuye, zavula amagugu azo, zamkhunga ngezipho: igolide namakha nenhlaka.
NgokukaMathewu 2:12 ZUL59
Kwathi ziyaliwe nguNkulunkulu ngephupho ukuba zingabuyeli kuHerode, zabuyela ezweni lakubo ngenye indlela.
NgokukaMathewu 2:13 ZUL59
Sezimukile, bheka, ingelosi yeNkosi yabonakala kuJosefa ngephupho, ithi: “Vuka uthabathe umntwana nonina, ubalekele eGibithe, uhlale khona, ngize ngikutshele; ngokuba uHerode uzakumfuna umntwana ukuba ambhubhise.”
NgokukaMathewu 2:14 ZUL59
Wavuka-ke, wathabatha umntwana nonina ebusuku, wamuka waya eGibithe
NgokukaMathewu 2:15 ZUL59
wahlala khona, waze wafa uHerode, ukuze kugcwaliseke okwakhulunywa yiNkosi ngomprofethi ukuthi: “Ngayibiza indodana yami iphume eGibithe.”
NgokukaMathewu 2:16 ZUL59
Khona uHerode, esebonile ukuthi izazi zimphambile, wathukuthela kakhulu, wathumela wabulala bonke abantwana besilisa baseBetlehema nasendaweni yonke yangakhona, abaminyaka mibili nangaphansi njengesikhathi abesibuzisisile kuzo izazi.
NgokukaMathewu 2:17 ZUL59
Khona kwagcwaliseka okwakhulunywa ngoJeremiya umprofethi ukuthi
NgokukaMathewu 2:18 ZUL59
“Kwezwakala izwi eRama, ukukhala nokulila okukhulu, uRakheli ekhalela abantwana bakhe, engavumi ukududuzwa, ngokuba abasekho.”
NgokukaMathewu 2:19 ZUL59
Kepha uHerode esefile, bheka, ingelosi yeNkosi yabonakala ngephupho kuJosefa eGibithe, yathi
NgokukaMathewu 2:20 ZUL59
“Vuka uthabathe umntwana nonina, uye ezweni lakwa-Israyeli; ngokuba sebefile ababezingela ukuphila komntwana.”
NgokukaMathewu 2:21 ZUL59
Wasuka-ke, wathabatha umntwana nonina, wafika ezweni lakwa-Israyeli.
NgokukaMathewu 2:22 ZUL59
Kepha ezwa ukuthi sekubusa u-Arkelawu eJudiya esikhundleni sikaHerode uyise, wesaba ukuya khona; eseyaliwe nguNkulunkulu ngephupho wamuka waya kwelaseGalile
NgokukaMathewu 2:23 ZUL59
wafika wakha emzini othiwa iNazaretha ukuba kugcwaliseke okwakhulunywa ngabaprofethi ukuthi: “Uyakubizwa ngokuthi umNazaretha.”
Bible App
Bible App for Kids
