NgokukaLuka 2:1, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40
NgokukaLuka 2:1 ZUL59
Kwathi ngalezo zinsuku kwaphuma isimemezelo kuKesari Awugustu sokuba kubalwe izwe lonke.
NgokukaLuka 2:4 ZUL59
Naye uJosefa wakhuphuka ephuma eGalile emzini waseNazaretha, waya eJudiya emzini kaDavide othiwa iBetlehema, ngokuba wayengowendlu nozalo lukaDavide
NgokukaLuka 2:5 ZUL59
ukuyobalwa kanye noMariya owayemmiselwe ukuba abe ngumkakhe, ekhulelwe.
NgokukaLuka 2:7 ZUL59
Wazibula ngendodana, wayembesa, wayilalisa emkhombeni, ngokuba bantula indawo endlini yezihambi.
NgokukaLuka 2:8 ZUL59
Kwakukhona abelusi kulelo zwe ababehlezi endle, belinda umhlambi wabo ebusuku.
NgokukaLuka 2:9 ZUL59
Ingelosi yeNkosi yema phambi kwabo, inkazimulo yeNkosi yabakhanyisa nxazonke; besaba ngokwesaba okukhulu.
NgokukaLuka 2:10 ZUL59
Ingelosi yathi kubo: “Ningesabi; ngokuba bhekani, nginibikela izindaba ezinhle zokuthokoza okukhulu okuzakuba kubantu bonke
NgokukaLuka 2:11 ZUL59
ukuthi nizalelwe namuhla uMsindisi onguKristu iNkosi emzini kaDavide.
NgokukaLuka 2:12 ZUL59
Nalokhu kuyisiboniso kini: niyakufumana umntwana embesiwe, elele emkhombeni.”
NgokukaLuka 2:13 ZUL59
Masinyane kwaba khona kanye nengelosi uquqaba lwebandla lasezulwini, lumdumisa uNkulunkulu, luthi
NgokukaLuka 2:14 ZUL59
“Udumo kuNkulunkulu kweliphezulu, nokuthula emhlabeni kubantu abathokozelwa nguye.”
NgokukaLuka 2:15 ZUL59
Kwathi ukuba zimuke kubo izingelosi ziya ezulwini, abelusi bakhuluma bodwa, bathi: “Asihambe manje, size sifike eBetlehema, sibone leyo nto eyenzekileyo iNkosi esazisile yona.”
NgokukaLuka 2:16 ZUL59
Bephuthuma bafika, bafumanisa oMariya noJosefa, nomntwana olele emkhombeni.
NgokukaLuka 2:17 ZUL59
Sebebonile balanda ngalelo zwi ababetshelwe lona ngalowo mntwana.
NgokukaLuka 2:19 ZUL59
Kepha uMariya wagcina onke lawo mazwi ezindla ngawo enhliziyweni yakhe.
NgokukaLuka 2:20 ZUL59
Babuya-ke abelusi bemdumisa, bembonga uNkulunkulu ngakho konke abakuzwileyo nabakubonileyo, njengalokho kwakukhulunyiwe kubo.
NgokukaLuka 2:21 ZUL59
Kwathi seziphelile izinsuku eziyisishiyagalombili zokuba umntwana asokwe, igama lakhe lathiwa uJesu, elaliqanjiwe yingelosi, engakathatshathwa esiswini.
NgokukaLuka 2:22 ZUL59
Kwathi ukuba kuphelele izinsuku zokuhlanjululwa kwabo ngokomthetho kaMose, benyukela naye eJerusalema ukuba bammise phambi kweNkosi
NgokukaLuka 2:23 ZUL59
njengokulotshiwe emthethweni weNkosi ukuthi: “Konke okwesilisa okuyizibulo kuyakuthiwa okwahlukaniselwe iNkosi”
NgokukaLuka 2:24 ZUL59
banikele ngomhlatshelo njengokushiwo emthethweni weNkosi: “Amahobhe amabili noma amaphuphu amabili amajuba.”
NgokukaLuka 2:25 ZUL59
Bheka, kwakukhona umuntu eJerusalema ogama lakhe linguSimeyoni; lo muntu wayelungile, emesaba uNkulunkulu, ebhekile induduzo ka-Israyeli; noMoya oNgcwele wayephezu kwakhe.
NgokukaLuka 2:26 ZUL59
Kwakubonakalisiwe kuye ngoMoya oNgcwele ukuthi akayikubona ukufa engakamboni uKristu weNkosi.
NgokukaLuka 2:27 ZUL59
Wafika ngoMoya ethempelini. Kwathi ukuba abazali balethe umntwana uJesu ethempelini ukuba benze kuye njengesiko lomthetho
NgokukaLuka 2:29 ZUL59
“Sale usumukisa ngokuthula inceku yakho, Somandla, njengezwi lakho
NgokukaLuka 2:32 ZUL59
ukukhanya kokwambulela abezizwe nenkazimulo yesizwe sakho u-Israyeli.”
NgokukaLuka 2:34 ZUL59
USimeyoni wababusisa, wathi kuMariya unina: “Bheka, lo umiselwe ukuwa nokuvuka kwabaningi ku-Israyeli, nesibonakaliso esiphikwayo
NgokukaLuka 2:35 ZUL59
yebo, inkemba iyakudabula nowakho umphefumulo – ukuba kwambulwe izizindlo zezinhliziyo eziningi.”
NgokukaLuka 2:36 ZUL59
Kwakukhona nomprofethikazi, u-Ana, indodakazi kaFanuweli, owesizwe sika-Aseri; wayesekhulile kakhulu, ebehlalile nendoda iminyaka eyisikhombisa emva kobuntombi bakhe
NgokukaLuka 2:37 ZUL59
engumfelokazi waze waba neminyaka engamashumi ayisishiyagalombili nane, engasuki ethempelini, ekhonza ngokuzila nangokukhuleka ubusuku nemini.
NgokukaLuka 2:38 ZUL59
Naye-ke efika ngasona leso sikhathi wamtusa uNkulunkulu, wakhuluma ngaye kubo bonke ababebheke ukukhululwa kweJerusalema.
NgokukaLuka 2:39 ZUL59
Kwathi sebefeze konke okungokomthetho weNkosi babuyela eGalile emzini wakubo iNazaretha.
NgokukaLuka 2:40 ZUL59
Wakhula umntwana, waba namandla, wagcwala ukuhlakanipha; nomusa kaNkulunkulu wawuphezu kwakhe.
Bible App
Bible App for Kids
