NgokukaJohane 7:1, 2, 3, 4, 5, 6, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44
NgokukaJohane 7:1 ZUL59
Emva kwalokho uJesu wahamba eGalile, ngokuba wayengathandi ukuhamba eJudiya, lokhu abaJuda bebefuna ukumbulala.
NgokukaJohane 7:3 ZUL59
Base bethi kuye abafowabo: “Muka lapha, uye eJudiya, ukuze nabafundi bakho babone imisebenzi yakho oyenzayo.
NgokukaJohane 7:4 ZUL59
Ngokuba akukho muntu owenza utho ekusithekeni, efuna yena uqobo lwakhe abe sobala. Uma wenza lezi zinto, zibonakalise wena kulo izwe.”
NgokukaJohane 7:6 ZUL59
Ngakho-ke uJesu wathi kubo: “Isikhathi sami asikafiki, isikhathi senu silungile njalo.
NgokukaJohane 7:8 ZUL59
Yenyukani nina, niye emkhosini; mina angenyukeli manje kulo mkhosi; ngokuba esami isikhathi asikapheleli.”
NgokukaJohane 7:10 ZUL59
Sebenyukele emkhosini abafowabo, naye-ke wenyuka, kungesobala kepha kungathi kungasese.
NgokukaJohane 7:12 ZUL59
Kwaba khona ukukhonona okukhulu ngaye phakathi kwezixuku. Abanye bathi: “Muhle;” abanye bathi: “Qha, ngokuba udukisa abantu.”
NgokukaJohane 7:13 ZUL59
Nokho kwakungekho muntu owakhuluma obala ngaye ngokwesaba abaJuda.
NgokukaJohane 7:14 ZUL59
Kuthe sekuphakathi komkhosi, uJesu wenyukela ethempelini, wafundisa.
NgokukaJohane 7:15 ZUL59
Ngakho abaJuda bamangala bathi: “Lona uyazi kanjani imibhalo engafundanga na?”
NgokukaJohane 7:16 ZUL59
Khona uJesu wabaphendula wathi: “Imfundiso yami akusiyo eyami kodwa ngeyongithumileyo.
NgokukaJohane 7:17 ZUL59
Uma umuntu ethanda ukwenza intando yakhe, uzakwazi ngemfundiso noma ivela kuNkulunkulu noma ngizikhulumela okwami.
NgokukaJohane 7:18 ZUL59
Okhuluma ngokwakhe ufuna udumo lwakhe; kepha ofuna udumo lomthumileyo lowo uqinisile; akukho ukungalungi kuye.
NgokukaJohane 7:19 ZUL59
UMose kaninikanga yini umthetho na? Nokho akakho kini ogcina umthetho. Nifunelani ukungibulala na?”
NgokukaJohane 7:20 ZUL59
Isixuku saphendula sathi: “Unedemoni wena; ngubani ofuna ukukubulala na?”
NgokukaJohane 7:21 ZUL59
UJesu waphendula, wathi kubo: “Munye umsebenzi engiwenzile, niyamangala nonke.
NgokukaJohane 7:22 ZUL59
Ngokuba uMose uninikile ukusoka – kungesikho ukuthi kuvela kuMose kodwa kokhokho – niyamsoka umuntu nangesabatha.
NgokukaJohane 7:23 ZUL59
Uma umuntu amukela ukusoka ngesabatha ukuze kungeqiwa umthetho kaMose, pho, ningithukuthelela ngokuba ngaphulukisa umuntu ngokuphelele ngesabatha na?
NgokukaJohane 7:24 ZUL59
Ningahluleli ngokwamehlo, kepha yahlulelani ukwahlulela okulungileyo.”
NgokukaJohane 7:25 ZUL59
Base bethi abanye kwabaseJerusalema: “Lo akusiye yini abafuna ukumbulala na?
NgokukaJohane 7:26 ZUL59
Bheka, ukhuluma obala, kabasho lutho kuye. Kungaba ngukuthi ababusi sebazi isibili ukuthi lo unguKristu na?
NgokukaJohane 7:27 ZUL59
Kodwa lo siyamazi lapho evela khona; kepha uKristu, nxa efika, akakho owazi lapho evela khona.”
NgokukaJohane 7:28 ZUL59
Ngakho uJesu wamemeza efundisa ethempelini, wathi: “Niyangazi, niyazi futhi ukuthi ngivelaphi; mina-ke angizizelanga, kodwa ongithumileyo uqinisile, eningamaziyo nina.
NgokukaJohane 7:29 ZUL59
Ngiyamazi mina, ngokuba ngivela kuye, futhi nguye ongithumileyo.”
NgokukaJohane 7:30 ZUL59
Ngakho bafuna ukumbamba, kepha akubangakho owambeka isandla, ngokuba isikhathi sakhe sasingakafiki.
NgokukaJohane 7:31 ZUL59
Kepha esixukwini abaningi bakholwa nguye, bathi: “UKristu, nxa esefikile, uyakwenza izibonakaliso eziningi kunalezo azenzileyo lona na?”
NgokukaJohane 7:32 ZUL59
AbaFarisi bezwa isixuku sikhonona ngalezo zinto ngaye; abapristi abakhulu nabaFarisi base bethuma izikhonzi ukuba zimbambe.
NgokukaJohane 7:33 ZUL59
Ngakho-ke uJesu wathi: “Kuseyisikhashana ngikhona kini, besengimuka, ngiye kongithumileyo.
NgokukaJohane 7:34 ZUL59
Niyakungifuna, ningangifumani, nalapho ngikhona, ningeze nina.”
NgokukaJohane 7:35 ZUL59
Ngakho abaJuda bakhuluma bodwa, bathi: “Uzakuya ngaphi lo lapho singayikumthola na? Uyakuya kwabahlakazekileyo kumaGreki, afundise amaGreki, na?
NgokukaJohane 7:36 ZUL59
Lizwi lini leli alishoyo lokuthi: ‘Niyakungifuna, ningangifumani,’ nokuthi: ‘Lapho ngikhona, ningeze nina,’ na?”
NgokukaJohane 7:37 ZUL59
Kepha ngosuku lokugcina olukhulu lomkhosi uJesu wema wamemeza wathi: “Uma ekhona owomileyo, akeze kimi, aphuze.
NgokukaJohane 7:38 ZUL59
Okholwa yimi, njengokusho kombhalo, esiswini sakhe kuyakugobhoza imifula yamanzi aphilayo.”
NgokukaJohane 7:39 ZUL59
Washo lokho ngoMoya abazakumamukela abakholwa nguye, ngokuba uMoya wayengakafiki, lokhu uJesu wayengakakhazimuliswa.
NgokukaJohane 7:40 ZUL59
Abanye besixuku sebezwa lawa mazwi bathi: “Lo ungumprofethi isibili.”
NgokukaJohane 7:41 ZUL59
Abanye bathi: “Lo unguKristu.” Kepha abanye bathi: “Kanti uKristu uvela eGalile na?
NgokukaJohane 7:42 ZUL59
Awushongo yini umbhalo ukuthi uKristu uvela enzalweni kaDavide naseBetlehema, emzaneni lapho wayekhona uDavide na?”
NgokukaJohane 7:44 ZUL59
Abanye-ke kubo babethanda ukumbamba; kepha akubangakho owambeka izandla.