NgokukaJohane 2:1, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22
NgokukaJohane 2:1 ZUL59
Kwathi ngosuku lwesithathu kwakukhona umshado eKhana laseGalile; wayekhona lapho unina kaJesu.
NgokukaJohane 2:3 ZUL59
Kwathi ukuba lisweleke iwayini, unina kaJesu wathi kuye: “Kabanalo iwayini.”
NgokukaJohane 2:4 ZUL59
UJesu wathi kuye: “Mame, ungene ngani kokwami na? Isikhathi sami asikafiki.”
NgokukaJohane 2:5 ZUL59
Wathi unina ezincekwini: “Nayikuphi akusho kini anokwenza.”
NgokukaJohane 2:6 ZUL59
Kwakukhona lapho izimbiza zamatshe eziyisithupha zibekwe ngesiko lokuhlamba labaJuda, ziphethe yileso naleso izilinganiso ezimbili noma ezintathu.
NgokukaJohane 2:7 ZUL59
UJesu wathi ezincekwini: “Gcwalisani izimbiza ngamanzi;” zazigcwalisa-ke.
NgokukaJohane 2:8 ZUL59
Wayesethi kuzo: “Yikhani manje, niyise kumphathi wokudla;” zayisa-ke.
NgokukaJohane 2:9 ZUL59
Umphathi wokudla ezwa amanzi aphenduke iwayini, engazi ukuthi livelaphi, kepha izinceku ezaziwakhile amanzi bezazi, umphathi wokudla wabiza umyeni, wathi kuye
NgokukaJohane 2:10 ZUL59
“Wonke umuntu ubeka iwayini elimnandi kuqala, kuthi lapha sebephuze kakhulu, akhiphe elibi kunalo; wena ugcinile elimnandi kuze kube manje.”
NgokukaJohane 2:11 ZUL59
Lokho ukuqala kwezibonakaliso wakwenza uJesu eKhana laseGalile ebonakalisa inkazimulo yakhe; abafundi bakhe bakholwa nguye.
NgokukaJohane 2:12 ZUL59
Ngasemva kwalokho wehlela eKapernawume, yena, nonina, nabafowabo, nabafundi bakhe, bahlala khona izinsuku ezingeziningi.
NgokukaJohane 2:13 ZUL59
Lalisondele iPhasika labaJuda; uJesu wakhuphukela eJerusalema.
NgokukaJohane 2:14 ZUL59
Wafumana ethempelini abathengisa ngezinkomo nangezimvu nangamajuba, nabahlezi beshintsha imali.
NgokukaJohane 2:15 ZUL59
Wayesenza inkalivasi* ngezintambo, waxosha bonke ethempelini, nezimvu nezinkomo, wachitha imali yabashintshayo, wagumbuqela amatafula
NgokukaJohane 2:16 ZUL59
wathi kwabathengisa ngamajuba: “Susani lokhu lapha, ningayenzi indlu kaBaba indlu yokuthengelana.”
NgokukaJohane 2:17 ZUL59
Abafundi bakhe bakhumbula ukuba kulotshwe ukuthi: “Ukushisekela indlu yakho kuyangidla.”
NgokukaJohane 2:18 ZUL59
Ngakho-ke abaJuda baphendula, bathi kuye: “Usitshengisa isibonakaliso sini ukuba wenze lokhu na?”
NgokukaJohane 2:19 ZUL59
UJesu waphendula, wathi kubo: “Bhidlizani leli thempeli, ngizakulivusa ngezinsuku ezintathu.”
NgokukaJohane 2:20 ZUL59
Ngakho bathi abaJuda: “Leli thempeli kwaba yiminyaka engamashumi amane nesithupha lakhiwa, wena-ke uzakulivusa ngezinsuku ezintathu na?”
NgokukaJohane 2:22 ZUL59
Kuthe esevukile kwabafileyo, abafundi bakhe bakhumbula ukuthi washo njalo kubo; bakholwa ngumbhalo nezwi abelishilo uJesu.
Bible App
Bible App for Kids
