मत्ती 4
4
यीशुन पारेख
(मत्ती 1:12-13; लुका 4:1-13)
1 #
इब्रानियो 2:18; 4:15; हबकुक 2:18 तेवी चोखालो जीव यीशुह उजाड़ी माय ली गीयो काय सैतानान उगे रेन तान पारेख एय। 2तो चालीह दिह, एने चालीह रात उपास माय रिनो, तेवी ताह बुख लागी। 3तेवी सैतान यीशुन आहने आवो एने केयो, “केदी तु बोगवानान बिटोख एय, ते ज्या देगड़ाह केय दे काय रूटो बोण जाय।”
4पुण यीशु ताह जापाप आप्यो, “वचन माय इहकेरीन लेख मीलेल हे, ‘माणुह रोटा केरीन ओलोस नाह, पुण एकेक वचन जो बोगवानान मुयाम रेन निकलेह, जीवतालो रेय।’”#व्यवस्था 8:3
5तान पासाण सैतान ताह यरूशलेम हेयरा माय ली गीयो, एने मोंदिरान चुटा पोर उबराख दिनो, 6एने यीशुह केयो, “केदी तु बोगवानान बिटोख एय ते न्या रेन बुंदे कुदजा, काहाकाय वचन माय इहकेरीन लेख मीलेल हे:#बजन 91:11-12
“बोगवान तान हेरोगदुताह तुवाह वोचाड़नेन केरता उकुम आपी,
एने ता तुवाह आथा माय उपरूस विस लेती,
केदी ओहलो नाय एय काय तारा पाया माय दिगोड़ नाय लागे।”
7पुण यीशु ताह केयो, वचन माय इहकेरीन बी लेख मीलेल हे:
“तु मालीक तारा बोगवानान पारेख मा किरहे।#व्यवस्था 6:16”
8ओवतो सैतान ताह एक उचाच बोयड़ा पोर ली गीयो, एने ताह दुनियान आखो राज एने तान बोड़ाय देखाड्यो। 9एने सैतान ताह केयो, “केदी तु पाया पोड़ीन मारी बोक्ती किरहे ताहार ज्य सोब मी तुवाह आप देह।”
10तेवी यीशु ताह जापाप आप्यो, “एय सैतान सिटो एय जा, काहाकाय वचन माय लेख मीलेल हे: ‘तु तारा मालीक बोगवानाह ओलोस बोक्ती केर, एने तान उलोस उपास केर।’”#व्यवस्था 6:13
11तेवी सैतान ताह सोड़ीन जात रिनो, एने दिखो, हेरोगदुत आवीन तान सेवा चाकरी केऱ्या।
यीशुन सेवान सुरवात
(मत्ती 1:14-15; लुका 4:14-15)
12 #
मत्ती 14:3; मरकुस 6:17; लुका 3:19,20 जेवी यीशु ज्य होमल्यो काय बपतीस्मा केरनार योहान देराय जायेल हे, ते तो गेलील माय जात रिनो। 13#योहान 2:12एने यीशु नासरत सोड़ीन कफरनहूम हेयरा माय, जो देरीयान देड़े जबुलून एने नप्तालीन ईलाका माय हे, जाईन रेणे बाज गीयो। 14काहाकाय जो यशाया जाणकारान द्वारे कियेल एतो, तो पुरो एय:
15“जबुलून एने नप्तालीन देस,#यशाया 9:1-2
देरीयान वाटी पोर, यरदन नेदीन दिड़े,
बिगेर यहुदिन देस गेलील माय,
16जा माणहे आदारा माय बोह रियेल एता,
ता एक मोटलो उजोड़ देख्या;
एने जा मोतीन सावलान देसाम बोह रियेल एता,
ता पोर उजोड़ चोमेकनो।”
17 #
मत्ती 3:2
तुलबूखे रेन यीशु खोबरीन पारचार सुरू केर दिनो, “तुमरा पापाम रेन मोन फिरावो, काहाकाय हेरगान राज आहने आव लागेल हे।”
यीशु चार मासऱ्याह हादणे
(मत्ती 1:16-20; लुका 5:1-11)
18जेवी यीशु गेलील ने देरीयान दिड़े दिड़े जाणे बाजरियेल ईतो, तेवी तो दुय बायाख देरीयाम जाल टाकताला दिख्यो, शमोन मतलब, जो पतरस केवाथे, एने तान बायाख अन्द्रियासाह। काहाकाय ता मासऱ्या एता। 19यीशु ताह केयो, “मार पासाण आवो, मी तुमूह माणहाह बोगवाना फाय किहीक लावणु तो हिकाडुह।” 20ता यीशुन वात होमलीन जालीह जागेस सोड़ीन तान पासाण चाल देना।
21ओवतो यीशु थोड़ोक ओंगाण चालीन गीयो, तेवी जब्दीन सोरा याकुब एने तान बायाख योहान ज्या दुय जाणे आबाख हेऱ्या डोंडह्या पोर बोहीन तान जाल हुदारने बाजरियेल एता। तेवी यीशु ताह देखीन हाद्यो। 22ता चालोच डोंडह्यो एने तान आबाख सोड़ीन यीशुन पासाण चाल देना।
मोटली गेरदीन केरता यीशुन सेवा
(लुका 6:17-19)
23 #
मत्ती 9:35; मरकुस 1:39 यीशु आखा गेलील माय फिरतेन एने तान बोक्ती केरन्या गेरा माय हिकाड़ते, एने हेरगान राज ने हाजाली खोबरीन पारचार किरतेन, एने माणहान आखी बातीन बेमारीह हुदाऱ्यो एने कोमजोरीह सिटो केरते रिनो। 24एने आखा सीरीया देसाम तान खोबेर पोसरी गियी; केरीन माणहे आखा दुखाऱ्याह, जा बाती बातीन बेमारी एने दुखा माय पोड़ रियेल एता, एने जा माय खाराब जीव रिग रियेल एतो, एने फेपरान बेमारी वाला एने लोखवान दुखाऱ्याह, ता फाय लावा एने यीशु ताह हुदार दिनो। 25केरीन गेलील, दोह हियोर दिकापुलिस, यरूशलेम, यहुदिया एने यरदन नेदीन ती उगेवाला आखा माणहे टोलान टोला यीशुन पासाण चाल देना।
Okuqokiwe okwamanje:
मत्ती 4: NTNii2020
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
The New Testament in Nahali Language © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2020
