Génesis 16
16
Ismael yurinqan
1Abrampa warmin Sarai qolluq kaptinmi wawan karqantsu. Saraipa serviqninmi Agar shutiyuq jipash karqan. Paymi Egiptupita karqan. 2Abramtam Sarai nirqan: <<Qolluq kanäpaqmi Dios Yaya destinamashqa. Tsaynö wawannaq mana kanäpaq serviqnï Agarwan puñuykullay paychö tsuriki yuriptin kikïpa wawänö kananpaq>>.
Tsaynö niptinnam Abram Sarai ninqanta cäsurqan.
3Tsaynam Sarai Egiptupita apamunqan serviqnin Agarwan Abramta puñutsirqan. Tsayqa karqan Canaánchö chunka watana Abram täkuykaptinmi. 4Abramwan puñuskir Agar qeshyaq tikraskirmi patrönan Saraitaqa despreciarnin manakaqman churar qallaykurqan.
5Tsaymi Abramta Sarai nirqan: <<Agarwan puñunaykipaq kikï puñuykätsiptiqpis qeshyaq kaskir chikimänanpaq qammi jutsayuq kanki. Tsaynö kanqaykipitam Dios Yaya juzgashunki>>.
6Tsaynö niptinnam warmin Saraita Abram nirqan: <<Serviqnikiqa makikichömi kaykan. Tsayqa qamna imatapis munanqaykinö manday>>.
Tsaynam Sarai serviqnin Agarta mana puëdinqankunamanpis amälas mandar qallaykurqan. Tsaynö alläpa sufritsiptinmi Agar qeshpir aywakurqan.
7Tsaynö aywaykaptinmi Dios Yayapa angelnin desiertuchö kaykaq pözu lädunchö yuripurqan. Tsay pözuqa Shur partipa aywana nänichömi karqan. 8Tsaychömi ángel tapurqan: <<Saraipa serviqnin Agar, ¿maypitatan shamuykanki? Y ¿maypatan aywaykanki?>>
Agarnam nirqan: <<Patrönä Saraipitam qeshpir aywakuykä>>.
9Tsaynam Dios Yayapa angelnin nirqan: <<Patrönayki Saraiman kutikur llapan mandashunqaykita cäsuy>>.
10Tsaypitam yapay nirqan:
<<Wawayki yuriqpitam maytsikaq mirayanqa yupaytapis mana puëdiyanqanyaq.
11Qeshyaq kaykanqayki wawaykiqa ollqum kanqa.
Llakikur mañakunqaykitam Dios Yaya wiyashushkanki.
Tsay wawaykipa shutinmi churanki Ismaelta.#16.11 Ismael ninanqa Dios Yaya wiyan ninanmi.
12Tsay wawaykim chucaru cawallunö kanqa.
Pïmaywan pelyaptinmi pïmaypis chikirnin contran shäriyanqa.
Castankunawanpis chikinakurmi kawanqa>>.
13Kikin Dios Yayawan parlanqanta tantiyarmi Agar nirqan: <<Rikämaqnï Diostam rikashkä>>.
Tsaypitam Diospa shutin churarqan El-Roíta#16.13 El-Roí ninanqa Rikämaq Dios Yaya ninanmi. Tsaynö shutin churarmi Diospa mas juk shutin churarqan.. 14Tsaymi tsay pözupa shutin churarqan Beer Lahai-Roí.#16.14 Beer Lahai-Roí ninanqa Kawaykaq Rikämaqpa Pözun ninanmi. Tsay pözum kaykan Cadespita Beredman päsaq nänichö.
15Tsaypita kutikurmi Abrampa ollqu tsurinta Agar qeshyakuskiptin#Gál. 4.22. shutin churarqan Ismaelta. 16Abram pusaq chunka soqta (86) watayuq kaykaptinmi tsurin Ismael yurirqan.
Okuqokiwe okwamanje:
Génesis 16: qxn
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2011, Wycliffe Bible Translators, Inc. All rights reserved.