KENESE 2
2
1Tena, ko palele atu ei te faitega o te lagi mo te lalolagi mo mea katoa i ei. 2#Eso 20.11 #Epe 4.4,10I te fitu o aso ne manava ei te Atua me ko palele ana galuega ne fai. 3Ne fakamanuia ne ia te fitu o aso kae fakatapu ke fai mo aso taua, me ko te aso tena ne manava ei a ia mai tena galuega ne fai #2.3: me ko te aso tena ne oti ei tena foafoaga ne fai io mei te aso tena ne oti ei tena foafoaga; 4E pena te faitega o te lagi, te lalolagi mo mea katoa i ei.
Ko te Fatoaga i Etena
I te faitega ne te Aliki #2.4: te Aliki: mai i te lomiga faka Epelu a te igoa Iāuē (Yahweh) tela ne masani sale o 'fuli taumua ki a Ieova ko fakaaoga ne te 'fuliga tenei a te muna, te Aliki, tela ko tusi nei ki mataimanu lasi, tenei ko fakaaogaga ne te taulasiga o lomiga faka Palagi. te Atua te lagi mo te lalolagi, 5e seai ne lakau i luga i te laukele, kae e seai foki ne fuaga o lakau ko ola aka, me e seki fakato ifo ne ia a te vaiua, kae e seai foki se tino ke galue ne ia a te laukele; 6ko te vai mai lalo o te laukele tela ka fakasusu ei te laukele.
7 #
1Koli 15.45
Ne puke aka ne te Aliki te Atua ne mu one mai i te laukele, kae faite ne ia ki ei te tagata; ne manava atu a ia ki ona puisu, tela, ola ei te tagata.#2.7: Laukele ... tagata: A te muna Epelu ki te “tagata” mo te muna “laukele” e tai pau eiloa la fakaleoga.
8Oti aka, toki ei ne te Aliki te Atua se fatoaga i Etena, i te feitu ki te saegala, tuku atu ei ne ia a te tagata tela ne faite ne ia ke nofo i ei. 9#Faka 2.7; 22.2,14Ne fakatupu aka ne ia a vaega lakau gali katoa ke ola i kona, ka ke fua ki fuaga lei. I te kogaloto o te fatoaga e tu ei te lakau o te ola mo te lakau tela e iloa ei te mea lei mo te mea masei.#2.9: te poto i mea lei mo mea masei; io me te poto i mea katoa.
10E isi se vai e tafe i loto i Etena, tela e fakasusu ei te fatoaga; i tua atu o Etena, te vai tena e maga ki vaitafe e fa. 11A te vaitafe muamua ko Pisona, tela e tafe fakatamilo i te fa'kai o Havila. 12A te aulo e maua i kona, pela foki mo mea manogi mo fatu tāua. 13A te lua o vaitafe ko Kaiona e tafe fakatamilo i te fenua o Kusi.#2.13: Kusi (o Mesopotamia); io me Sutana. 14A te tolu o vaitafe ko te Taikelise tela e tafe ki te saegala o Asulia, ka ko te fa o vaitafe ko te Eufilate.
15Tena, tuku ei ne te Aliki te Atua te tagata ke nofo i te Fatoaga o Etena, o galue te laukele i ei kae tausi fakalei. 16Muna a te Atua ki te tagata, “E mafai ne koe o kai a fuaga o so se lakau i loto i te fatoaga, 17kae tapu koe e kai ki fuaga o te lakau tela e fai ne ia te tino ke iloa te lei mo te masei.#2.17: te poto i mea lei mo mea masei; io me te poto i mea katoa. E se tau eiloa mo koe o kai ki fuaga o te lakau tena, me kafai e kai koe ki ei, a koe e mate eiloa i te taimi tena.”
18Muna a te Aliki te Atua, “E se lei mafai e nofo tokotasi te tagata. Ka faite ne au se soa mo ia ke fesoasoani ki a ia.” 19Tena ne puke aka ne ia a one mai te laukele kae faite ne ia ki ei a manu katoa o te laukele pela foki mo manu eva katoa. Oti aka, aumai ei ne ia ki te tagata ke fakaigoa ne ia; e pena te fakaigoaga o manu. 20Tena, fakaigoa ei ne te tagata a manu eva katoa mo manu katoa o te laukele; kae e seai eiloa se manu i a latou e tau ke fai mo soa o te tagata o fesoasoani ki a ia.
21Tena, fai ei ne te Aliki te Atua te tagata ke moe, kae i te taimi ko to ei te moe o te tagata, ne tata ne te Aliki te Atua tena ivi kasokaso e tasi, kae toe pono atu te kogā kano tela ne tata mai i ei. 22Ne faite ne ia te fafine ki te ivi kasokaso tena, aumai ei ne ia ki te tagata. 23Muna a te tagata penei.
“Ko fatoa maua se tino e pau mo au—
Ko ivi mai oku ivi, ko kano mai oku kano.
E tau a ia o fakaigoa ko “Fafine” me ne faite ki ivi o te tagata.”#2.23: Fafine … tagata: A te uiga o te pati Epelu “fafine” mo te “tagata” e pau la fakaleoga.
24 #
Mata 19.5; Male 10.7,8; 1Koli 6.16; Efe 5.3 Tena te pogai e tiakina ei ne te tagata tena tamana mo tena matua kae nofo fakatasi mo te fafine, tela ko tasi ei laua.
25A te tagata mo te fafine e nofo fuafua kae e se ma sua tino ki sua tino.
Okuqokiwe okwamanje:
KENESE 2: Tusi Tapu
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Tuvalu Revised Bible © Bible Society in the South Pacific