Kawkanta 8
8
(Kanta ni Dabid)
Hay kapangyariyan nin Pangino-on ay ampipatnag ha kaganawan dogal
1Pangino-on ya Pangino-on nawen, hay kapangyariyan mo ay ampipatnag ha kaganawan dogal ha babon lotà.
Hay kagandawan mo ya ahè mapantayan ay nipatnag angga ha katatag-ayan. 2Hay mangayamò ya aw-anak boy kawkolaw ay ampipagkantan pamomori komo. Banà bayri, hika ay emen ha matibay ya dipinsa ya makapategen nin kawka-away mo.
3No ampaninglà ako ha langit ya ginawà mo ta angkakit koy bowan boy bawbito-en ya ingkolokar mo 4ay an-ihipen ko no anya ya tawo ta ampanemtemen mo boy ampa-alaga-an mo.
5Balè ginawà mo ya nin ma-aypà ha aw-anghil boy intag-ay mo ya nin pinarangalan nin emen ha arì. 6Kaganawan bagay ya ginawà mo ay inggawà mo ha hilong kapangyariyan na, 7bilang ha tawtopa, bawbakà, aw-ayop ya mangahilib, 8mawmanokmanok, kawkonà, boy kaganawan ma-in biyay ya anti ha dagat.
9Pangino-on ya Pangino-on nawen, hay kapangyariyan mo ay ampipatnag ha kaganawan dogal ha babon lotà.
Okuqokiwe okwamanje:
Kawkanta 8: sblNT
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2005, Wycliffe Bible Translators, Inc. All rights reserved.