Matiyu Nhne gbasịri ọkwukwo ka
Nhne gbasịri ọkwukwo ka
Izi ọma lele kpa Matiyu gbarụ a n'ọkwukwo nookwu ọka izi ọma nụ Jizọsi bụ Nye Ọznohia Chiokike kweru mkwna a. Ọmumu Jizọsi nye Nazarẹti gwebnanyarnụ ẹli-eze ikne n'ọwa, ke bụ ọchichi Chiokike. Izi ọma Matiyu neegesi ẹli-eze ikne ka hite nụ nhne Jizọsi, nye bụ Mezaya, znirni nụ nhne o mernu. Matiyu gesiri kpa Jizọsi mezuru kpakara nhne be gbarụ nụ Tẹsitamenti Ọknani gbasịri a. O gesiri nụ be mụrnu Jizọsi hite n'avnụrnu ele eze. Nne a Meri bụ woknornokno máa nyerukna. Matiyu tụkparu ẹhni gba nụ ele bụ́o ele Ju nwernu igwe n'ẹli-eze Chiokike lele kpa ele Ju nwernu. O kwuru nhne gbasịri ẹnwu Jizọsi, olizọ n'ẹnwu a, nụ iwu o nyernu ele sno apna be zni kpakara ele zị n'ọwa izi ọma a.
Nhne zị n'ọkwukwo ka
Bụdnu wikoro Jizọsi (1:1—4:25)
Ikwu-ọnu Chiokike o kwuru n'olu rugwu (5:1—7:29)
Nhne o znirni, elulu nụ nhne berere nụ Galili (8:1—18:35)
Izne a dụ Jerusẹlem (19:1—20:34)
Ikwezu ipne-aznụ Jizọsi nụ rime Jerusẹlem (21:1—27:66)
Olizọ n'ẹnwu a (28:1-20)
Nye gbarụ ọkwukwo ka: Matiyu (Livaị)
Risi nhne o kwno gba a: O gesi nụ Jizọsi bụ Mezaya, nye gweyarụ ẹli-eze ke bụ ọchichi Chiokike n'ọwa.
Okuqokiwe okwamanje:
Matiyu Nhne gbasịri ọkwukwo ka: ikwNT
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2010, The Nigeria Bible Translation Trust and Wycliffe Bible Translators, Inc. All rights reserved.