Amavesi eBhayibheli adumile avela kokuthi Mataio' 12

Dlulisela

Ido' ma lo-lengemeloze. Gililo. Gamazi goloso gidini muki' nene haza gamazi nehe li gopo ma li nilizani' nene a'minemu' O'moso'mo gamene nabalo' goni' o-ngedo longo' o-ngedavo evene' muki' a'mine lani' gamazi nene li soto' ikevo ne'mi lihime ngemeleseive. Gei' gamazika liline' ne'mo ogo molo iline' monovoka nene do soto' ogavo lamine' o noline' nene ve lisihe' ve lo O'moso'mo lo-gedeleseive. Ido' goloso o noline' nene ve goloso ve lo-gedo lihime gemeleseive.

Lingine Satali'mi izipahala zuho nene nizave. Evene' lu'ningu' go'zikani' inite' nene ve'ninguti' li hulaa' nanako lingine lutingu' golososi minivo nizani' nete gamazi lamine' nene ngeli mo lamilisave.

Evene' lamine' ne'mi lulou' nene gamazi lamineli'mo vai' lo neinako ne'mo nene monovo lamine' do soto' oga' neive. Ido' evene' goloso ne'mi lulou' nene gamazi goloso ne'mo vai' lo neinako ne'mo nene monovo goloso do soto' oga' neive.

Nemu' nene lo-lengemeloze. Gililo. Evene' ingine goloso inite' ato ato' iga' ani' ne'mi lihime ido' O'mosomu' ido' evenekumu' divi ledivi' iga' ani' ne'mi lihime nene O'moso'mo ha hulo-ngedeleseiha O'moso'mi Sikalahu' divi ledivika ma i-dilizani' nene lihimetine mo keke' hulo-lengedamoloseive.

Evene' ingine za nene lamine' nolihe goloso nolihe nene zali'mi gihile'veloti' nene lubamu ningi gililisave. Nemu' nene za mali'mo goloso noline' nene gihile'vesi goloso mineleseive. Ido' za mali'mo lamine' noline' nene gihile'vesi lamine' mineleseive. Ido' eveneliti monovo nene a'mine'mine ogo ningo gelelesane.