Amavesi eBhayibheli adumile avela kokuthi Luk, echî 3

Dlulisela

Kən Jon a gyé ókúmí, ane chénchén á jâk mbâ eye a fúghá ábho ayép. Jisos a jak eróŋ. Ebhú á fúgha yê ayép, Jisos a róghe egoróm Obhasi, ósô ó rə́bhe. Obhasi Ebhare Ntʉgantʉ a kí bhət a bhák mbâ eye noŋ ibhʉ́í. Eyum é fâp nnyi ósô se, “We a ri Mmon okot omé nnyo ḿ foná ekpatə́m ogyebhá-ḿbə́ŋé.”

Kən Jon a sə́re ábho se, “Mme n kí fuk ên a ri ayép, kən nnyo a faŋê a chíŋi ə̂m a kə́ bha. Ń ka bhik nnyo n kí kpat kpe arík iyîm-akát ibhê. Nne nnyó a kí fuk ên na Obhasi Ebhare Ntʉgantʉ na erəmta-ngûn.

Ájoé ó səre ên sê ó yoŋe ḿbə́ŋé, ó maghe ên obhí obhə́né, nâ yim ên ekpin nji nne a kí yen sê ó yoŋe ên ka etʉri. O kâ kére ên sê Ńsé owəné Abraham a ri ágo, nchot cháŋ! N kí səre ên bəre Obhasi kə́n a kô atáé mmá a yîm á chə́bhe biyábhé-abhon Abraham.

Kpe mfá-mfá, efúk é rî ka obhô nji á kí gbut átí na arʉk-arʉk, á túp ka nsi. Kpe njə́n étí mân nji é ká kap nnyen i nkap, á kí gbut á túp ka erəmta-ngûn.”

Achot mmá á fap fə́ne ka ekpak nji nkara-otîp nnyo á kamá se Asaya a séŋe se, “Nne yót a ri ka etə́m, a bhíná a sə́rá ane se, ‘Tʉrî ên mbá ntûfâm, ka yê a kə́ bha. Yim ên ebhə̂k é jóe tə́níní nji yê a kí chiŋ. Kpúghi ên ábhírí chénchén, cherê ên abhon agúí na mma yúp. Eji nji é jíi nchík, deê ó tə́né. Nji é rî gbúghí-gbughí, deê o kók ên é jóe goghéé. Tîk ane chénchén á yên ekpak nji Obhasi a kí yim ane abhê á sém.’ ”