Amavesi eBhayibheli adumile avela kokuthi KALATE METATAʼA 39

Dlulisela

Nti a nga too be Yôsep; mam me nga wulu nye mvoʼé mimfaʼa mise, a nga too e ndaa masa wé mon Ejiptieñ.

A nga liʼi biôme bise a nga bili e mo me Yôsep, avale di na émien a mbe teke fe beta bo jôm éziñ, ô vaa ve bidi a mbe a jaʼak. Ve e too na Yôsep a mbe étua abeñ.

Evete ya nda mimbôk é nga kalane Yôsep mimbôʼô mise mi mbe nda mimbôk, a mam mese me mbe me bobaʼan été me mbe me lôtôk e be nye.

Masa Yôsep a nga dik a ayaa. A nga bo na be futi nye mimbôk, e vôme mimbôʼô mi njô bôt mi mbe mfetan. Yôsep a nga too valé, e mbôk. Nti a nga too be Yôsep, a a nga same wo mvame wé be nye. A nga bo nye na a yené mvaé e be évete ya nda mimbôk.

Eyoñe mam mete me maneya, e nga kui na minga masa Yôsep a nga wua mise mé be Yôsep a jô na: Bômbôʼô ma! Yôsep a nga ben a jô minga masa wé na: Tame yene na nté ane me soé, masa wom a nji beta bo jôm éziñ e nda va, a a veya biôme bise bi ne émbié e mo mam; môte mfe a nji bo beta môt a dañe ma e nda nyô, a a nji kamane ma jam éziñ ô vaa ve wo amu ô ne minga wé. Aya me ne bo aval anene mbia jame te, a me ne bo Zambe abé ?

Môs éziñ, Yôsep a nga nyiine nda na a bo ésaé jé. Teke môt éziñe ya nda été a mbe valé; ane a nga bi nye ngômesan a jô na: Bômbôʼô ma! A nga liʼi ngômesane jé e wo wé été a kui mbil atan.