Amavesi eBhayibheli adumile avela kokuthi KALATE METATAʼA 37

Dlulisela

Yôsep a nga yeme biyeyem a kate bie bobenyañe bé, be ke ve zu dañe vini nye.

Israél a mbe a nyekeʼe Yôsep a dañe bone bé bevoʼo bese amu a nga biaé nye a ntoo nnôm. A nga loé nye alôʼô e too menyôle menyôl.

Bobenyañ be nga yene na ésaa wop a mbe a nyekeʼe nye a dañe be bese, a be nga taté na ba vini nye. Be mbe te nguleya kobô nye e nyeʼan été.

A nga beta yeme biyeyeme bife a nga kate bobenyañe bé, nye na: Mi lôô ma te beta yeme biyeyem! Jôp, ngon a ateté awôm a wua be nga kute meboñ ôsu viam.

Bobenyañ be nga bo nye éviele, ve ésaa a nga baʼale ôsimesane ya fuʼane jam ate.

A nga jô be na: Vôʼôlaʼane ñhe biyeyem ma te yem! Bi mbe bi too e mefub été asu ya dutu mimbom; e teme na mbome wom ve tebe tetele émienan mi nga bômane wô a mi nga kute meboñe si ôsu wé.

Zaʼan éyoñe ji, ñwôane nye a e ñwuʼane nye e jia ya bibé; bia ye jô na: ñyôyoʼo tit wo te mine nye a bia ye yen ane biyeyeme bié bia ye suʼulan.

Eyoñe bebo makit ba so li a ke li, bôte ya Madian be nga lôt, be nga dutu Yôsep a vaa nye ébé. Be nga kuane nye tañe bifas bi moné mewôm mebaé e be Beismaélit, be ve kee nye Ejipte.

Be nga jôan, wua a nyô mboʼo na: Masa ñyeme biyeyem nyôlé a zu.

Be nga yene nye ôyap; a, te na a kui be bebé, be nga bôndé feʼe ya wôé nye.

A nga beté bifia bife yôbe na: Te wôane môt, wuʼane nye foʼo vʼébé ya nkôte si ji, ve te wôane nye. A nga kobô be nalé ane a ne nguleya nyii nye a bulane nye be ésaa wé.