Amavesi eBhayibheli adumile avela kokuthi Juan 10

Dlulisela

Kwian skwe boanga joge ovejaske skwe boi ovejage oveja gai gweda age me no oveja ole ulita, ama chage ta e kare alin ole oveja nate diali, agwa cha me ene, cha chiu nga dba ai giti kwian alin age no kwian alin ene cha giti kwian ñage toi diali chui tangle nga suga no ole, cha kwian ta gbe ene.

Cha kwian bda oveja mananga no kare, cha age no kwian chanu alin, cha ama manade no kwian oveja mananga oveja maunu manade no kare, oveja mananga no oveja ole ama mo ta gbe jogeda oveja dolla kote oveja giti.

Kwian chanu cha kerua gbe gdadi, ama cha gai dage, ama ulita chage cha gerule kare, cha ama ulita uñe.

Cha kwian ene gbe toi diali chui tangle Chube ole, ama mi chege sugekare Chubege ji chuge, kwian ene chanu diali, ni kwian me no gdaite ni dolla ñage kwian chanu jwennga cha ngeru.

Cha ugaka kare kwian ulita alin, cha giti alin allabi kwian ñage Chube uñe ulia, kwian bai kaire cha gai ulia kwian ene be tien gitiru ji chugege ama age me no gdale, cha kwian ene manade no ama gbe toi no oveja mananga kle oveja manade no kare, ene oveja me boi daga ngwale oveja toi no. Oveja mananga kle oveja jwen ugakage kle dbe blire chi jai gire oveja mananga kle oveja tke naskuni ugaka amañage.

Cha kwian oveja mananga ulia no kare. Salengwli cha Ñenua cha uñe cha cha Ñenua uñe, ene kaire cha kwian chanu ulita uñe ama cha uñe kaire, cha mo ta gbe jogedaleda ama giti.

Cha Ñenua kwian ta gbu cha gai ulia, kwian ene ulita chanu, cha Ñenua kweri, ama kira molen tanre, malen kira na me ñage kirachke ama kiralladi, kira na me ñage kwian chanu jwennga cha Ñenua ngeru. Cha Ñenua talla kle cha ole, cha talla kle cha Ñenua ole, cha Ñenua cha ole gdaitre alin.

Cha kwian oveja mananga ulia no kare. Salengwli cha Ñenua cha uñe cha cha Ñenua uñe, ene kaire cha kwian chanu ulita uñe ama cha uñe kaire, cha mo ta gbe jogedaleda ama giti.

Cha be mo chuge ngwadi jogeda kwian chanu ulita alin, kaire cha be mo gbeni gwade, kwian gdaite me ñage cha gai cha gweda agali, agwa cha mo tale cha be mo chuge ngwadi mo gwadaleda. Cha ñage mo chuge ngwadi mo gwadaleda, kaire cha ñage mo gbeni gwade, cha Ñenua cha kagu age ene ulita, cha kle age ama takalin kare, malen ama no cha ole.

Jesu gerudu nabitaite dare kwian ulita ole: —Cha gerule ulia ulia ba ulita ole, cha ugaka kare kwian alin oveja gerea ugakalla oveja kle joge tangle ngwadi gudegu kare.

Agwa kwian lle boanga oveja mauña alin, kwian ene tañachuge igi alin gai oveja mauñage oveja manade giti, ama gwage oveja dolla gudedi chie oveja gitigu oveja gadale gire ama kige gude ngeru oveja jige gballa, kwian ene me oveja mananga ulia, ama kle tañachuge oveja me amanu ma no ama alin oveja chuge ngwadi dolla gudege. Ama age ene oveja ulita ole gire gude ñage chke ovejadi oveja gweda gute, oveja kige gdaite gdaite gballa bate gire oveja ulita jogenga gballa.

Jesu geru ñachugu kwian fariseo ulita alin: —Cha gerule ulia ulia ba ulita ole, kwian bai kaire me joge bda oveja nate gerege oveja gerea ugakallage gudegu agwa joge oveja gerea gití bdugu oveja nate oveja gai, kwian ene skwe boanga kwian me no.