Amavesi eBhayibheli adumile avela kokuthi Iruka 15

Dlulisela

Miꞌi hawyi ti paa e sese raꞌyn itote hawyi topoĩꞌam hawyi meremo toto raꞌyn toꞌywot kape. Miꞌi turan iꞌywot taꞌakasa pya howawi muap upiat huut turan. Miꞌi pote iꞌywot hatyꞌu kahato topyꞌa pe katupono toikyꞌe kahato tosaꞌyru. Miꞌi pote so iꞌywot punꞌe howa kape hawyi iporokaꞌat tosaꞌyru ete hawyi toiꞌãpysig tosaꞌyru e.

Uhaꞌyru saꞌawyꞌi hoꞌowasat rakat toineꞌen ikuꞌuro rakat ewy maꞌato guꞌuro pyi hap ewy tuwẽtem. Waku watenuk waku aimowepiit kahato hap e toꞌywot.

Miꞌi hawyi iãꞌãkap etiat Iesui henoi -Taꞌi karãpe aihũ watipuẽti hoꞌowasat rakat aimowepiit kahato hap toineꞌen e. Miꞌi hap ewy kahato ti Tupana toineꞌen wẽtup ok miit hoꞌowasat rakat toipuẽti hawyi tuwemowepiit kahato e. Karãpe hoꞌowasat rakat wẽtup ok toipuẽti hawyi atipy piaria iꞌatuwepiit kahato Tupana wywo e. Taꞌi tukupteꞌen 99 rakaria waku pe raꞌyn tukupteꞌen maꞌato wẽtup ok howasat hawyi toikat kahato ipuẽti hamo.

Pyno waku araꞌaipok i uiꞌywot yat kape hawyi -Papai areꞌe aru tope woromaꞌat kahato en uiminug saꞌag wo iꞌewyte ti Tupana maꞌat hatno areineꞌen are aru tope e. Pywo pe ti Tupana ehamo atiꞌaparap iꞌewyte ehewowi wy areꞌe aru e tuwepe.

Miꞌi pote haꞌyru toꞌe toꞌywot pe -Papai atiꞌaparap kahato Tupana ehamo Iꞌewyte ehewowi e. Miꞌi pote yt putꞌok are i raꞌyn ehaꞌyru uheineꞌen hamo uiꞌywot e.

Pyno so wẽtup ok toineꞌen tohũ 100 Uweiria rakat apykok hat e. Miꞌi hat so wẽtup eꞌat pe toiꞌatumorania kahato toikuap taꞌyn wẽtup ok howosat rakat toineꞌen. Miꞌi pote totiat raꞌyn tohũria 99 ok takaria mekewat wẽtup ok hoꞌowasat rakat kat hamo. Yt ipohep i ikat hamo ipuẽti hap kape.