Amavesi eBhayibheli adumile avela kokuthi Mako 6

Dlulisela

Kwenze ŵanthu anyinji enzokuza noluta chakuti Yesu na asambili ŵake enzeve nsita yakulya. Tetyo Yesu eŵauzya asambili ŵake kuti, “Tiyeni ku malo kwaseka kusapitapita ŵanthu kuti mukapumuleko.”

Yesu eŵayasuka kuti, “Mneneli opasiwa mchinzi kulikonse kwangalute koma okaniwa na a ku munzi kwawo na enekwawo.”

Pechifuma mu ngalawa Yesu ewona winji wa ŵanthu nochita chitinthi, chikomo chakuti wonse enze ngani mbelele ziliye chiŵeta. Tetyo etatika kuŵasambizya vinthu vinyinji.

Aliyochite vinthu vinyinji vodabwisha kwala, koma eika tyala manja ŵake pa ŵanthu atontho olwala nipo ewachizya. Ekanganishiwa ngako powona kusoŵa chichetekelo kwa ŵala ŵanthu. Yesu eluta na kuyosambizya ŵanthu a ku minzi yozunguluka kwawo.

Lomba Yesu etola mikate isano na masaŵi aŵili, nololesha kululu, notembezya Mulungu. Esuna mikate yala nopasa asambili ŵake kuti ayaŵile ŵanthu, etola soti masaŵi aŵili ŵala noyaŵila ŵanthu. Aliyense echilya nipo ekuta. Asambili etola vitundu kumi na aŵili avakulya vesalako.