Amavesi eBhayibheli adumile avela kokuthi Uraat To Yes Mbaŋooŋa 2

Dlulisela

Petrus iyol aliŋazi ighe: “Yam asov irau apul ŋgar tsiam sasaghati ileple, ve atoor ŋgar tsiam ila pa Maaron, ve agham yaa ila Yesu Krisi eeza. Leso Maaron ireu sosor tsiam ilale, ve irei Avuvu Patabuyaaŋ payam.

Yes tau tighur ila to Krisi na, monmon tighurghur taliŋazi pa saveeŋ tau yes mbaŋooŋa tipaduduuŋ zi pani na, ve tighamgham ŋgar pani poi. Ve tivavaule zi, ve tiluplup zi pa suŋuuŋ tomania ghanghaniiŋ.

Ve Avuvu Patabuyaaŋ ipavon zi tisov, ve ipaburigin zi gha tisavsaav ila nugh nugh aliŋazi.

Malau mako ve tilooŋ gabua luutu imin yaghur tiina kat ipul sambam ve izilam le irau ruum loolo tau tilepleep pani na. Ra tighita gabua imin yav yaama ivot ve ivalagh ghi le irau yes tisov pavozi. Ve Avuvu Patabuyaaŋ ipavon zi tisov, ve ipaburigin zi gha tisavsaav ila nugh nugh aliŋazi.

Mataaz ta naol ne, lolozi ve ŋgar toozi eemon, ve tiluplup zi ila Rumei Tiina naagho. Ve tiluplup zi pa suŋuuŋ tomania ghanghaniiŋ ila ruum toz toz paam. Saawe tau tilup zi pa ghanghaniiŋ, lolozi poia ve tipapait Maaron eeza. Tauta tamtamon tisov tighit zi ve lolozi poia pazi. Ve saawe isov, Tiina toit Yesu ighamgham uraat ila tamtamon siriv lolozi to igham mulin zi. Tauta tighur ila to Yesu, ve tiŋgaltarezai yes tau tighur ila imin maata na, le timin eval kat.

‘Maaron isaav tauvene: “Saawe murei ighe ivot, yau pale narei Avuvug irau tamtamon tisov. Mako natmimŋa zitamoot ve zilivaa timin propet, ve tivotia aliŋag pa tamtamon. Tauvene zitamoot tsiam paghpaaghu pale tighita gabua siriv ila tandaghiiŋ. Ve zikooŋa tsiam pale tighita gabua siriv ila vivuuŋ.

Yes tau tighur ila to Yesu na, tisov lolozi eemon, ve tivavaule zi. Eta iŋguruut gabua tooni mako. Tighita gabua toozi isov tighe ene gabua to eval tisov. Tauvene tigholgholia taan ma gabua toozi siriv, ve tighamgham maeta pa yes tau mbolaaŋ igham zi na. Tauta tisov lezi gabua le irau zi. 2Kor 8:13

Saawe tana ighe ivot, tamtamon tisov tau titaŋ rarai Maaron pa uleeŋ, ene pale igham mulin zi, ve tileep poi.” ’

Aaz pale ighaaz muul mako, ve nugh ndoroom. Ve kaiyo pale siŋsiŋaaŋ. Mako saawe tiina to Ŋeer Tiina ivot, ve itotoi tapiri ve mbonari ivot ighazooŋ.