Amavesi eBhayibheli adumile avela kokuthi ปือบูวัจ 1

Dlulisela

ตาปี กาลา ซือมืองัจ นะ ตูฮัด_ นะ ตูโรด เดะ อาตัซ กาเญา_ ตูฮัด นะ บูวัจ บรี กาเญา มือฆัฮ เลอ. กะฆีเตอ_ กาเญา นะ ฌาดี ซะซรี_ มือญาเระ ลาฆู นะ กู_ เดะ นังฆรี เยรูซาเลม_ เดะ นังฆรี ยูเดีย_ เดะ นังฆรี ซะมาเรีย เดะ โกะ นังฆรี ราตาๆ_ ฌู รอจ กะ ฮูโฌก ปือญูดัฮ นังฆรี เดะ ดือนียา เลอ.” ญา จะ.

เยซู มือเลา ฌางัน กูญา จะ_ “นู นะ ฌาดี วะตู ดีฮา_ บูกัด ลาฆู นะ กาเญา เลอ. อาโปก เดะ อาตัซ_ ญา เลอ_ นู นะ ตืองะ วะตู อีตู_ บือกะ ฮาตี นะ ญา เลอ.

กาลา กูญา อาดา บือซามา ลาฆี_ ญา ปือซัด กะ กูญา จะ_ “ฌางัน ตรือเบะ ปี เดะ นังฆรี เยรูซาเลม_ ตาปี นาตี เลอ_ บรี ซาโมจ บือนา นู อาโปก นะ กู บือฌาญี นะ บรี_ บือกะ กู บือเลฮ มือญาเระ กะ กาเญา ดัฮ. โยฮัน บรี ซือมียา ซือลับ เดะ อาเย ดัฮ_ ตาปี เตด บาญะ อารี_ กาเญา นะ ซือลับ เดะ ซือมืองัจ นะ ตูฮัด.” เยซู ญา จะ.

ลือปัซ ญา มาตี ดัฮ_ ญา มาแรฮ ปลีฮัจ กะ ลูมอฮ กูญา_ บาญะ กาลี_ บาญะ มาจับ_ นู บรี ลีฮัจ ตือตู จะ_ ญา ฮีโดะ ปาเระ ซูโงฮ ดัฮ. ปัจ ปูโลฮ อารี_ ญา ปลีฮัจ กะ กูญา_ มือเลา ฌางัน กูญา_ ปาซัน ลาฆู นู ตูฮัด เดะ อาตัซ นะ ปือบือลา_ ฌาดี ราฌา นะ อูมัจ ซือมียา.

ตานา ญา มือเลา กะฆีเตอ ดัฮ_ กูญา ตีญุง ลีฮัจ ญา_ ญาแญะ ปี กะ อาตัซ ลาแงะ. ญา มาโซะ เดะ ดาลับ กือมูวัง ดัฮ_ บรี กูญา ลีฮัจ ญา เตด บือฆารี.

ตืองัฮ กูญา ตีญุง โซะ ลาแงะ_ นู ญา ปี ดัฮ_ นี เลอ_ อาดา ซือมียา บือปากัย กาเยด ปูเตฮ_ ดูวา อูรัก. กูญา มาแรฮ บือดีรี ดาปิก_ มือเลา จะ_ “ลูมอฮ ซือมียา นังฆรี ฆาลิลี เออ_ บูวัจ นามา_ กาเญา บือดีรี ตีญุง กะ ลาแงะ? เยซู อีนี เตอ_ นู กือนา ซาโมจ บือญาแญะ ปี เดะ กาเญา_ รอจ กะ อาตัซ ลาแงะ ดัฮ_ ญา เลอ_ นะ ปาเระ มาแรฮ ปูลัก_ ซือรูปา บือกะ กาเญา บือฆารี ญา ปี กะ ลาแงะ ดัฮ.” กูญา จะ.