Amavesi eBhayibheli adumile avela kokuthi मत्ती 12

Dlulisela

मि तुम बटि बोन्‍नु छौं कि न्याय का दिन पर हरेक मनखि तैं वेकी बुलिं बेकार बातों को हिसाब-किताब देण पोड़लु। किलैकि तू अपणी ही बातों की वजै से निरदोष ठैरैये जैली, अर अपणी ही बातों की वजै से तू दोषी ठैरीलि।”

हे गुरौ का बच्‍चों, तुम त बुरा छाँ, त फिर तुम अच्छी बात कनकै बोलि सकद्‍यां? किलैकि जु कुछ मन मा भोरयूं होन्दु, मनखि का गिच्‍चा बटि उई निकळदु।

एक अच्छा मनखि का मन मा अच्छी बात होनदिन, इलै उ अपणा मन से अच्छी बात ही बुल्दु। अर एक बुरा मनखि का मन मा बुरी बात होनदिन, इलै उ अपणा मन से बुरी बात ही बुल्दु।

इलै मि तुमतै बतै देन्दु कि मनखियों को हरेक पाप अर ऊंकी बुरी बातों तैं माफ किये जालु, पर अगर कुई मनखि पवित्र आत्मा का खिलाप मा बुललु, त वेको वु पाप माफ नि किये जालु।

फिर यीशु न इन भि बोलि, “अगर तुम कै डाळा कू अच्छु बुल्द्‍यां, त वेका फल कू भि अच्छु बोला, अगर तुम कै डाळा कू बेकार बुल्द्‍यां त वेका फल कू भि बेकार बोला, किलैकि डाळु अपणा फलों बटि ही पछ्याणे जान्दु।