Amavesi eBhayibheli adumile avela kokuthi यूहन्‍ना 17

Dlulisela

तुमरो वचन सच्‍चु च, इलै अपणा वे सच्‍चा वचन का द्‍वारा तुम ही ऊंतैं पवित्र कैरा।

अर वु सदनि को जीवन यू च, कि तुम ही एकमात्र सच्‍चा परमेस्वर छाँ, अर तुमतै ऊ सभि पछ्याणी जा अर इन भि जाणि जा, कि मि यीशु मसीह तैं तुमुन ही भेजि।

अर यीशु न इन भि प्रार्थना कैरी कि, “हे पिता, मि सिरफ यों खुणि ही ना, बल्किन ऊं खुणि भि प्रार्थना कनु छौं, जु कि ऊंका वचनों तैं सुणी के मि पर बिस्वास करदिन। ताकि ऊ सभ्या का सभि एक ह्‍वे जा। हे मेरा पिता, जन तुम मि मा छाँ अर मि तुम मा छौं, ठिक उन्‍नि ऊ भि हम मा बणयां रा ताकि दुनियां का लोग बिस्वास कैरा, कि तुमुन ही मितैं भेजि च।

अर मि इन प्रार्थना नि कनु छौं, कि तुम ऊंतैं दुनियां मा बटि उठे द्‍या, पर इन प्रार्थना कनु छौं, कि तुम ऊंतैं दुष्‍ट शैतान बटि बचै के रखा।

अर जन आदर-सम्मान तुमुन मितैं देई, उई मिन ऊंतैं दियाली ताकि जन हम दुई एक छां, ठिक उन्‍नि ऊ भि एक ह्‍वे जा। अर तुम मि मा छाँ अर मि ऊंमा छौं, ताकि वु पूरि तरौं से एक ह्‍वे जा। अर यू देखि के दुनियां का लोग जाणि जाला, कि तुमुन ही मितैं भेजि च, अर जन तुमुन मि बटि प्यार कैरी, ठिक उन्‍नि प्यार ऊं बटि कैरी।