Amavesi eBhayibheli adumile avela kokuthi लुका 6

Dlulisela

अर्कालाइ देहो आउँ परमेस्वरुहु तोहोरानि देहेर्ला। ओहिंता झन् खाँचि-खाँचि चुल्हि पारिबानाइ देहेर्ला। किसाबुने जुन् नपुनाइ तोहोलेके ओर्कोलकलाइ देहोला उहे नपुनाइ तोहोलेकुहु पाहोला।”

मज्जाक् मानुसक् मनभिट्‌रइ मज्जाके बिचार रैल्ह भेला आउँ ओक्‌राक्‌भटे उहे मज्जाक् कहिन् निस्केला नराम्‍रो मानुसक् मनभिट्‌रइ नराम्‍रोय बिचारक् कहिन् रैल्ह भेला, किसाबुने नराम्‍रो मानुसक् मनभिट्‌रक् भाखारिक्‌भरे नराम्‍रोय कहिन् निस्केट्‌थ्ला। किसाबुने मानुसक् मनभिट्‌रमा जे बिचारलक् भेट्‌थ्ला, उहेसेहे मुखक्‌भरे निस्किहिन् आयट्‌थ्ला।

उ मानुसलकक् परौ बुन् करह तर आफ्निक् सत्‌रुलकुहुलाइ पेरेम करह! जम्माहिंलाइ भल करह आउँ रिन माङ्‌लाहारलकलाइ फेरि फिर्ता पाबाक् आस नहिंकरिहिने रिन देहो। तोहोलेके यरङ् करिगलेहेबुनेता परमेस्वरक्‌भटे बर्के इनाम पाहोला आउँ तोहोलेके सेब्‌भुइसौ बर्के परमेस्वरक् साँच्‍चिहिंक् सन्तान ठहरहला। परमेस्वरे ता धन्यबाट नहिंदेलाहार बैगुनि मानुस आउँ नराम्‍रो दुस्ट मानुसुहुलाइ दाया करैस्।

तोहोरा आफ्निक् परमेस्वर बाबा जहरङ् दायालु रहैस्, तोहोरौखर्ह्‌वाइ मानुसलकलाइ दाया करह।

“तोहोलेके ओर्को मानुसलाइ दोस बुन् लागाहो आउँ तोहोराहुलाइ परमेस्वरे दोस नालागाइदेहार। ओर्को मानुसक् गल्तिलाइ तोहोलेके खोजि बुन् करह तसौ परमेस्वरुहु तोहोरा गल्तिक् खोजि नाँकरिदेहार। ओर्कोलकलाइ छेमा करह आउँ परमेस्वरुहु तोहोरानि छेमा करेहेर्ला।

“भेटौ मोरा कहिन् सुन्लाहारलाइ मुँइ बोल्मेहेर्ला, तोहोलेके तोहोरा आफ्निक् सत्‌रुहुलाइ पेरेम करह आउँ तोहोरालाइ मन नहिं पोरिहिन् घिन कर्लाहारलाइ भलक् काम करह, तोहोरालाइ साराप देलाहारलकलाइ आसिक् देहो, तोहोरालाइ नराम्‍रो बेभार कर्लाहारक् लागि पाराथ्ना करह।

ओर्कोलके तोहोरालाइ जहरङ् बेभार करुस् बाजिहिन् इच्‍छा करहला, तोहोलेकुहु ओर्कोलकलाइ ओहेरङे करह।

कुन्हुँ मानुसे तोरालाइ एक्टा गालै बाज्‍राइ देइगलास् बुने ओर्को पाखाक् गालुहुमा चर्काबाक्‌लाइ थापि देहिक्। आउँ तोरा इस्टकोट लुटिहिन् लेगाइ देइगलासबुने उ मानुसलाइ तोरा आङि आको लेग्बा देहिक्। तोराठालाइ किस्-किस् माङ्‌लाहारलकलाइ देहिखान्, आउँ तोराभटे लेगाल चिंज फिर्ता जुन्‌माङ्।

“कुन्हुँ राम्‍रो गाछइ नराम्‍रो फोर नाफोरेक्, ना ता नराम्‍रो गाछइ राम्‍रो फोर फोर्बा पारेला।

जुन्हुँ गाछलाइ भेटौ उ गाछक्‌भरे फोर्लो फोरिहिक्‌भटे मानुसलके चिन्भा पारेला, कोहोरोक् झाङक्‌भटे डुम्मरक् फोर तोर्बा नापायक् उहेरङ् करिहिन् अइस्यालुक् झाङक्‌भरे सुन्तला ना तोरिजायक्।