Amavesi eBhayibheli adumile avela kokuthi Matthieu 7

Dlulisela

Dukani na môvinéné, na nôngeetsô. Butani na môvinéné, na nôngadenga. Bôkédani v’okuké na môvinéné na nôngakukuéô.

Muetso aduka no môvinéné angadiia. Muetso abuta na môvinéné angadenga. Muetso abôkéda na môvinéné angakukuéô ôkuké.

Muetso ookéô mabégôme mavovo me na agobeda mangô andé ga môma eodo amasaa ebedi gô tungu éndé toto na mataé.

Indakani akanyô éne ényôngéô anye mbe akanyô anôéndéa. Amuene Moïse amatôtôma te nane. Na apandôédi amatasa maNzambé amavovo te nane.

Ivô ômbee ôgeôge na nzéane ékeke, te yangô ékeda môma na gô monyo. Gôsaba oma ayekani akea gô yangô.

Ingéani v’ombaa ôgeôge. Gôébégô ômbee ôvôni na nzéane épôni ékeda môma na gôébungana. Oma ayekani akea gô yangô.

Buéyé anye oma abévani, nômenya éétsa ananyô yôma éamisôba ?tambô na Tétanyô ône andé g’ôba, asangootéa éétsa anye yôma éamisôba gôndé anye nômôdukani‐a?

Nômbieeséda akanyô kabanga anye nôesédu na Nzambé. Gôébégô Nzambé anganôeséda gô mônongoe ôesédanye akanyô. G’ôkanee ôkanéganye akanyô, na Nzambé anganôkanéga te mônongovo.

Ivô ône ookô mabégô mavovo me na angô asagobeda mangô andé ga mômane apaga, amasaa ebedi va tungu éamisige.

?Nayee ôena tsengesengene éndé gô ésoe amôkoo na éwe ôseena éengôe éndé gô ésoe yoo? Ewe ôndé n’eengô gô ésoe yoo ?nayee ôôngôa évovo na môkoo mbe: Wee ami, singéa me nagônôtôa tsengesengene éndé gô ésoe yoo?

Wemai gôndé eekédi adiboe. Aviga na va gatse anyô ga mandombo, tambô gô mitéma miaô te ga nzego. Anye nôngamenya angô te gô ésima éaô. ?Môma anenga masagu gô minzembe‐a? ?Na môma abénza mbida gô gétsagaa‐a?

Géétété samôsôba gébôta te miônda miedi miamisôba. Na géétété gébévani gébôta te miônda miedi mibévani.

Géétété samôsôba gésoongôa ébôta miônda mibévani na géétété gébévani gésoongôa ébôta miônda miamisôba.

Eétété éetso ésabôta miônda miamisôba éngawangô na éngabéku gô soto.