Amavesi eBhayibheli adumile avela kokuthi Yohanes 6

Dlulisela

Yugugu lagagwama, Yesus en, “Eve erom iniluk oginivisiga menda adem andi, An aro. Hit ambi An nadema wagu hiniselok, erom uvup okhinivisogon mondok dek. Eke, hit henendawi An novaga vanggabaluk, avyarat numbutu hiniselok, hivis ogo is uvup okhinivisogon mondok dek.

At Ala Averiniki en avakwa iniluk oginivisiga menda aro. It avakwa wen vaga menda enadik enanye vaga ambi okhedaup meyan aro. At Ala Averiniki en wene An yukheraliga ako vaga hiniluk okhinivisiga menda ovara

Erom vidis dek arup menda ako adigat yavup ogagu dogobuk. Ata, An Ap-At Endaklagagis akoen erom mondok-mondok dogop menda wokheraliga ako hedaguluk eyavup adigat ogagu dogones. An andi menda-at wokhirigya dogogiluk, Nasin Ala en denogo mondok okbaninggigirikmu agirik.”

An Nasin en ogarup ombasiga ako andi, Ala Abut An hinil dibaniluk, henendawi novaga vanggabaluk, avyarat numbutu hiniselok, mondok-mondok hiniluk dogop ombasiga andi aro. Eke, o hivis oklarugwi andi vaga Anen hiniluk erogo mondok okbigigayogon o,” yiluk, yugeragagi.

Yugugu lagagwama, At Yesus en, “Ala en hit ogarup ombasiga ako andi, eyave yi: Ala en An lakbani wagagi henendawi novaga vanggabaluk, avyarat nombarup ako aro.”

It An Nasin en woknisiga ako ovok erogo An nadoma warusogom. Eke, it avakwa An nadoma wendagwi ako andi, ‘An mondok nanggon o,’ yiluk, mbobisayogon mondok dek o.

Yugirigya lagagimu at Peterus en, “Ai, Nasin! Nit Hat hekbagaluk sa adema laup yiluk yukneraliga? Mondok-mondok niniluk okbininaup wene Harenat yukneraliga.

Erom hiniluk okhinivisiga menda mbogot vaga en wambu wagagis An neyave yi aro. Hit ambi saen erom yi ako nunggu hiniselok, mondok-mondok hiniluk-at dogosogon. Hit avakwa wen vaga menda hiniluk okhinivupwak yiluk, erom hit henake bayogon ako andi, An neyave aro,” yiluk, yugeragagi.

An Nasin lakbani wagagi akoen henendawi wegetek halok andi, An nadoma ari warup mondok dek o. Eke, nadoma ari warup henendawi wokhinipu halok, o hivis oklarugwi andi vaga hiniluk erogo mondok okbigigayogon.

Erom Ala en wokheraliga ako andi, mbogot vaga en wambu wagya lagagirik, avakwa wen vaga menda agarwik iniluk oginivisiga ako aro, yiluk, mondok avyarat yukheraliga.”

Yugirigya lagagirik, Yesus en ambi inim yugirigya dugwit, “Erom hiniluk okhinivisiga menda andi, An aro.

Hora yugu lagagwama, At Yesus en roti ako inggimu wigya lagagirik, “Ala wa,” yugugu dugwit, it avakwa hora yagagwa ako menageragagi. Menagirigya lagagirik, ikan anderogoat wogirigya lagagimu, it ovok enagaum erogo nunggugwa. Menageragagi ako nunggu lagagwarik, enagaum agya lagagimu, Yesus en At ane welagwi menda ako yugirigya dugwit, “Nin higitlaga ako, mbo hugu saoen, ambekma wonggalogo bomanes.”

Is mogoliluk lagek-wagek iri hegek, is agakoma 5 kilometer ata 6 kilometer ari lagusim, At Yesus is iri vaga isok ya baik nda baik vage enadema horok ari wagya inil hagagwa. Hugu lagagwarik, enalon wisane agagi. Enalon agya lagagimu, Yesus en it yugirigya dugwit, “Naswei! An neyave-at wandiga atma, henalon habuk.”