Amavesi eBhayibheli adumile avela kokuthi Yohanes 3

Dlulisela

“At Ala en yi avakwa ndi avakwa ovok erogo enabwa ombok erogo imbitigirikmu, At Abut adik ambengga Anat lakbani wagagi. Anderogo atma, it avakwa enendawi novaga vanggabaluk, avyarat numbutuselok, degerogo bisayogonbuk iniluk mondok-mondok-at dogosogom.

Ala en At Abut An ako it avakwa ovok enowak dilogo weyak onggo enovaga bisagiluk, o wen vaga yoma lakbani wagetek. Ata, yi avakwa ndi avakwa enagap wendarupwak yiluk At lakbani wagagi.”

Yugugu lagagimu, At Yesus en wene onggo at yugugu dugwit, “Ap ambi saen ambi inim swi endaklagatek halok, Ala avema bisaligama il hayogonbuk, yiluk, mondok avyarat yukhisiga.”

“It avakwa enendawi An novaga vanggabaluk, avyarat numbutuselok, Ala en enowak dilogo weyak onggo enovaga bisayogonbuk. Anderogo ovara, it enendawi An novaga vanggabaluk, avyarat nembetetek iniselok andi, it enendawi Ala Abut adik ambengga An ako novaga vanggabaluk, avyarat nembetetekma, vage enowak dilogo weyak onggo enovaga bigigirikmu agarwik.

Ala en enowak dilogo weyak onggo enovaga bisaup adem ako yiat: At awiya oginivisiga menda ako o wen vaga yoma vage wambu wagagi. Wambu wagagi ovara, it avakwa andi, weyak adigat ogasagwi atma, At awiya ako andi, ‘Nenanggon,’ umbutu dugwit, enendawi o hwiserekma dogop hogop ombasagwi.

At ombok agya hegek, an horok maduk avema arup sek aro,” yiluk, yugeragagi.

Yi ap ndi ap weyak ogasagwi akoen it weyak ogasagwi sigam agya haoen, At awiya ako andi, ‘Nenanggon o,’ yiluk, avema wendagudek.

It avakwa enendawi Ala Abut ovaga vanggabaluk, avyarat umbutuselok, mondok-mondok iniluk-at dogosogom. It mondok-mondok iniluk dogosogom ovara, it nin andi, Ala Abut ane hobaluk, ogagetek iniselok andi, iniluk dogosogombuk. Ala aninis enovaga-at dogosogon o,” yiluk, yugeragagi.

“At Musa o harumu dugwit, mbas agur-agut wakhegek ogarogo yo vaga ilik bagagi. Ilik bagagi ako hak, An Ap-At Endaklagagis ako, anderogoat yo vaga ilik banugup. It avakwa enendawi novaga vanggabaluk, avyarat numbutuselok, mondok-mondok iniluk dogopwak yiluk, An anderogoat yo vaga ilik banugup.”

Asin en Abut endawi hunik agarik atma, yi menda ndi menda inim, yi ogagek ndi ogagek inim, ovok erogo At Abut vagago dogopwak yiluk, andok okbagagi.