Amavesi eBhayibheli adumile avela kokuthi Matius 13

Dlulisela

Aghana wana so'o sukuptobag togtop nena, Allah yubu ambatsiropne ka'ebi agha seneragtop nimi sembe lemna. Nimi enekori Allah yubu seneragtopneag agha wana maikno uro mauamla. Nenneri wana teng tombare maurop, nenneri wana teng phende maurop, nenneri teng nhon maurop saog uro wamnep,” aro tibin nenero ambatsiog.

Wana toglamnaba, pongoroba alog aba nusamag yingkiogne sunuro lemnange nenekona, Allah yubu ka'erop aghana, sindi wanaag sop-sop, ‘Welaro wamnun,’ aro wana ikin uro seneraglamang nimi sembe lemna. Undo seneraglamangdi, ‘Tup tanun,’ senenne neneri sindi wana toropti, wanaag to'op tangtopneri Allah yubu niknil orop. Oro niknilamlaba, Allah yubu pongoro wana maubanep kom saog wamla.

Imagneri mog so'oag nimi saelba uhiroba sembe yubu ambarelamsinba, nimiri aori ka'elamna aghana, wanaag seneragna koma wamnep. Wanaag seneragna kom nimi ni sembe, aori ka'erop yubu neneko sikin wanaag meptaleag aro phia yonge sikini neneko yingkina yubu nene pelepto tolamla. Undo uro yabalamnepne sembe wana togtoba inaag timbaogne sunuro lemna.

Kirik phalag timbaogne sunuro lemnange neneko, Allah yubu ka'ebi agha elemag awi uro, ‘Saelbanun,’ aro torop nimi sembe lemna. Elemag yubu ka'ebandi tomnep aghana, nimi enekori wanaag yubu eneko yareng pelengka urop kom tanena, mo sesog sembe pongoro wamnep. Nimi enekori Allah yubu salero ul piropne sembe ora nimiri elag, ‘Seklebalul,’ aro ulamsengpa to, el luknubahengpa to tanena, kirik phalag timbaog saog nimi wamnepti, elem uro Allah yubu sae limnep.

Yesusti nen tipto ambarelamsiogti, “Imagne ponekori mog so'oag nimi saelba uhiroba sembe sunumna sumbatsinun. Nimi nhondi ora nimiri so'oag yabalamnari, el tup nembaneba nhon liliag wamneba imnepne saog uro wamla. Ora nimiri so'oag irop tup nembaneba aneko nen sap tognoro pimnepti, wana awi lelem el saeag uroba ni aneko nimiag kamna toro tol pindi, ‘Waliaba neneko naringe talul,’ aro so'o aneko kamna kapto tomnep.

Aghana nenne babe so'o mesaag sukuptobag timbaog. So'o mesaag yingkiogne pongkaogti, wali uro wana maubaog. Yo'o nenneri wana teng tombare, nenneri wana teng phende, nenneri wana teng nhon maubaog.

Wene lilopmunba, walingeap malingeap ma'aro pongoro yabilul. Gandum whi tale sum eneko agha nari kaongolamik nimiag aruklamsineri, “O'olaba malinge samenag wembamundi, kaupto aukag tapmundi, gandumna amik kaongkamundi, poloro palirop aeag liro piplulom,” aro ambatsinun,’ seog,” aro likiptop yubuag agha Yesusti sunumna sumbatsiog.