Amavesi eBhayibheli adumile avela kokuthi ลูกา 9

Dlulisela

โทเร๊อ เหย่ซู่ แด๊โฉ่ เป่ เหย่ซี ปว๋า เตเพร เน๊อ, “แกแย เตเพรเพร อา ซิหยื่อ ครวาเกอแว เฮ๊เนอ, อา โตเบ่ เม ฮู๊ แว ซิหยื่อนอเม ลู เนอเต๊เห่, อา เม จู๋ ดื่อ อาซิปล่อ หม่า อาหนิ โต่. อา เบ่ แย๊แถ่ หนิเร๊อดื่อ อา อี๊ถื่อดีเต่ ปว๋า เตอเนอ เร๊อ อา เบ่ กอครวา เกอแวคยา.

เมเตเฮ๊เรอ แกแย เด๊อ อา ซิหยื่อ เตเมแลเปล๊แก เกอ เร๊อ อา ซิปล่อเซอเพร เตเพร เพร เนอ, อา ซิปล่อเซอเพร เก่ โอ่เหม่แก ปา, หม่าแน๊เรอ เด๊อ แวขว่าแวคยา เร๊อ แกแย เตเพร เพร เก่ เด๊อะแลแก อา ซิปล่อเซอ เพร เร๊อดื่อ เฮ๊เนอ, อา เก่ พย๊าหนิ ซิปล่อเซอเพร ตูจูเพร ปา.

เหย่ซู่ เฮ๊ฉื่อ อา เน๊อ, “แกแย เตเพร เพร เด๊อ อา ปื่อ ท๊าเท เร๊อ อา ตีรี๊แม๊ กาคยา เนอ, อาบุ๊ยเตอเรอ โอ่ เด๊อ จอแปแหร่ อาเทออาเก่ อาเง เตอเจ๋อ โต่.”

แกแย เตเพร เพร เก่ พย๊าหนิ ลอ เจ๊อ เห่ขุต๊าบ่า อา เตดุแหย่แถ่เซ เต๊เห่ เจ๊อ ตื๊อดื่อเรอ อา เก่ แลจู่แก อา ซิปล่อเซอ เพร ตูจูเพร เออ เฮ๊เนอ อาบุ๊ยโอ่ เด๊อ ลูเง อิเต?

แกแย เตเพร เพร เด๊อ อา ซิเตเร แว เร๊อ แวลาแวโหง่ เออเต๊เห่ เตเพร เพร เนอ, ช๋า แกแยพู๊คู หม่าเฮ๊อ แวเออ เก่ แฮเฮ๊อ เร๊อ อา เตอเรอดุเตอเรอทู เร๊อ อาเพ อา เตอเรอดุเตอเรอทู เร๊อ เตเน่วม๊อขุโพ๊แปละบูโพ๊แบ่เจ่ เต๊เห่ อา เตอเรอดุเตอเรอทู เฮ๊อปา เบ๊อะเนอ, แว เก่ ซิเตเร เกอลาติ ลู ปา.

เร๊อ เหย่ซู่ เฮ๊ฉื่อ อา เน๊อ, “ถุ่ยมี เต๊เห่ โอ่ เด๊อ อากู, ถู่พู๊ เต๊เห่ โอ่ เด๊อ อาปุย, ตื๊อดื่อเรอ แกแยพู๊คู หม่าเฮ๊อ แวเออ, เบ๊อะแว เหล่โอ่เมอ โก๊ เตเบ๊ซิพร๊า เหล่โอ่ อาเง แพ๊เนอ, อา โอ่ โตโพ๋ โต่.”

เร๊อ อา เฮ๊ เหย่ซี เน๊อ, “แกแย เด๊อ อา แม๊ แวเป๊เส่ เร๊อ อา เก่ เอ๊โมฉื่อ เป๊เจ่พู๊ แซ่เน๊อ เออเตเพร เตเพร เพรเนอ, อา เอ๊โมฉื่อ เฮ๊อ แว เฮ๊อ. เร๊อ แกแย เตเพร เพร เด๊อ อา เอ๊ฉื่อ แว เนอหม่า, อา เอ๊ฉื่อ เพร เด๊อ อา นอแฮแล แว เออเตเพรเนอ เฮ๊อ. เมเตเฮ๊เรอ, แกแย เด๊อ อา เตเนปีตี๊ แลปีเล๊อ อาเหน่ เด๊อ ซีเกล เตเพร เพร เนอหม่า, แกแย เด๊อ อา ทวาดุเล๊อ อู เฮ๊อ.”