Amavesi eBhayibheli adumile avela kokuthi ลูกา 12

Dlulisela

เร๊อ ซี เออเต๊เห่เนอ เบ่เบ่, โอ่เซเร หนื่ออื่อ เกอ แลแค ซีเหน่ นี๋, เมเตเฮ๊เรอ เบ๊อะซี เตเนเต่อ โต่ ปาเนอ, แกแย อาพู๊ หม่าเฮ๊อ แวเออ เก่ แฮ ปา.”

เบ่ยอเบ่สี่ แต่ แลแค ฮู๊เนอ แต่เหม่! แม๊ปู แลแค เต เด๊อ อา โหล่ดุ เด๊อ จอแปแหร่ อาเทออาเก่กู เนอเต๊เห่ เร๊อ ล๋อ เตเด๊อ ซี โหล่ เออเต๊เห่เนอ, จอแปแหร่ อา เด๊อ เกอโป่ดื่อ ซี ปา.

โทเร๊อ อา เฮ๊ โป่ เหย่ซี เน๊อ, “โอ่รอโอ่เร แลแค, จว๊าวอ เควอแก แลแค เตแม๊ปู กู๊หว่ากู๊เวเอ่ เกอเร๊อ ดื่อเง เนอเต๊เห่ นี๋, เมเตเฮ๊เรอ แกแย เตเพรเนอ, อา ดุแหย่แถ่เซ เจ๊อบ๋า เต๋ เบ่เบ่, อา เตดุแหย่แถ่เซ เออเนอ อา เมแร๊ จว่าแจ่ ลู เตโอ่เซอเพร เตอเจ๋อ โต่.”

เมเตเฮ๊เรอ, ซี เตดุแหย่แถ่เซ โอ่เบ๊อะโต๊โผ่เนอ, ซี ซิปล่อ โอ่เต่อเกอ เบ๊อะเนอ.

เด๊อ ซีเตเนกู่แก อาขว่าอาคยาเร๊อ, ซี จุ่ยทูแฮ เอ๊แถ่ แจ่ เล๊อเล๊อ โป่ ซี ม๊อเนอม๊อเซ ตี๊กิ แพ๊ เนอ อา โอ่ เตเพร่ว โต่.

โทเรอ เหย่ซู่ เฮ๊ อา โคเจ่ เต๊เห่ เน๊อ, “ฮู๊เนอ อาขว่าอาคยา แว เฮ๊ ซี, เบ่กู่เบ่แก เต เด๊อ ซี เตโอ่เซอเพร อาเงเนอ แต่เหม่. ซี โหล่เอ่โหล่โอ อาเง เบ่เบ่, ซี โหล่กือโหล่แซ๊ บี๊เร๊อ ซี เหน่กล่อ อาเง เบ่เบ่, เบ่กู่เบ่แก แต่ แลแค แต่เหม่ นี๋.

ล๋อ ซี กู๊โล เด๊อ ซี กู่กล๊อลู เนอเต๊เห่ เจ๊อเรอ, จอแปแหร่ แด๊เบ่ หนื่ออื่อ โทลอปลี เจ๊อเฮ๊อ. ซิอิเช แต่เหม่! ซี งูดุ งูชอ เล๊อ เจ๊อ เร๊อ ถู่เพร่ฮู๊ เนอ ตูปลูเต๊เผ่ เจ๊อ.

“เก๋อ ซิหมิเป๊หมู่ ปีตี๊ ซี๋, ซิอิเช แต่เหม่ นี๋, เมเตเฮ๊เรอ ซีเพ ซิปล่อโอ่ เด๊อ อาเก่ เด๊อ ซี เร๊อ อาเทออาเก่ เฮ๊อ.

เตเนแม๊ แลแค จ๊อเหว่ เต๊เห่เนอ, เหย่ซี อาโหล่อาช๊อ เกออู เตกลุยเตลุ๊ย โต่, อา เก๊ปล๊อแด่ดว๊า เกออู เตเส่เตโพ โต่โต่. อา เหล่แด่ปล๊อ เหล่เอ่เหล่โอ เหล่โอ่ โอ่ เกออู โต่โต่, อา เหล่แด่ปล๊อ โบ๊แจ โอ่ เกออู โต่โต่. ตื๊อดื่อเรอ จอแปแหร่ โบ่เอ่โบ่โอ่ เหย่ซี. ฮู๊เนอเรอ, ซี เออเต๊เห่เนอ, ซี งูดุงูชอ เล๊อเล๊อ เจ๊อ. เร๊อ ถู เออเต๊เห่ เจ๊อ.

ฮู๊เนอ อาขว่าอาคยา, ซีเตเนเบ่กู่เบ่แก เบ่ยอเบ่สี่ แต่ แลแค แต่เหม่. โต เอ่แคร๊ ปา อิเต, โต โอแคร๊ ปา อิเตเนอ, เตเน แต่ แลแค แต่เหม่ นี๋.

เก๋อ แกแย เตหยื่อปีตี๊ ซี๋, มี ออ เหมาะ เต๊เห่เนอ, เออเตอเนอ อา โอ่ แลแค เด๊อ ตอกูเนอ, ช๊าป่าโรปา อู ชื๊อโน๊แก อา เด๊อ หมิกู แพ๊ ตื๊อดื่อเรอ จอแปแหร่ เด๊อะกือเด๊อะแซ๊ อา เก่เฮ๊เรอ อา เก่ เด๊อะกือเด๊อะแซ๊ แร๊ เล๊อเล๊อ ปา เจ๊อ ซี เร๊อ เนอ ปา.

ล๋อ เต ด๊อโอ๊ด๊อบี๊ เต๊เห่เนอ, จอแปแหร่โบ๊โมเถ่ โลลอ อา ปา, เร๊อ ล๋อ เตเมโห่เมเซ๊ เต๊เห่เนอ, จอแปแหร่ อา เมเถ่โลลอ อา ปา.