Amavesi eBhayibheli adumile avela kokuthi یوہانان 10

Dlulisela

سکونما نی نگے لُوگ گُون سکوچیس، سادچیس تانگ میدکھان چوچیس چیگپوے پھیا یونّگانوگ۔ اِین نانگ نگا نی تیگونلا میتشے تشیمسپوجیگ تانگچیسلا یونگستے این۔“

”نگا نی لوگدزی زانگپوبو این۔ لوگدزی زانگپوے لُوگ گُونّی پھیا کھورانگی سروک تانّگانوگ۔

نگے لُوگ گُونّی نگے سکاد نیانّانوگ یانگ نگے کھونگون شیسّاد۔ کھونگون نگے گیابنے یونّگانوگ۔

نگے کھونگونلا تھامیدپے میتشے تانگین یانگ کھونگون نیالوے نانّگا مانے میپھانگ۔ سوجیگیانگ کھونگون نگے لاگنے کوگستے کھیر مینیان۔

نگا نی گھوبو این، نگا گیُودتے لوگرے نانگکوگا جوگسکھانگونلا تھارپا تھوبین۔ گھاگجا میدپا کھونگون نانگکوگا یونگچیس تانگ پھیلوگا چھین یانگ ساکھا گیالّا تھوبین۔

”نگا لُوگ زی زانگپوبو این۔ نگے نگارانگی لوگّون شیسّاد یانگ نگے لُوگ گُونّی نگا شیسّانوگ،

ای لوگّون نگے لاگا ستادا زادکھانّی نگے یاب تشانگمیسانگ وانگچان جُوگستے این۔ سوجیگیانگ نگے یابّی لاگنے کھونگون کوگستے کھیر مینیان۔ نگاتانگ یاب نیسکو چیگ این۔“

کازوگ یابّی نگا شیسّاد، نگیانگ یاب شیسّاد۔ یانگ لُوگ گُونّی پھیا نگے نگارانگی سروک تانگین۔

سوجیگّانگ نگے سروک نگے کانے لین مینیان، نگا نگارانگ تھادتے نگاری ثوگپو تانّگاد۔ نگا ایبو تانگچیس یانگ لوگستے لینچیسّی وانگ یود چیازیرنا یاب خُدے نگا کا سالّا زادتے یود۔“

تینّابویپھیا حضرت عیسیٰ سی یانگسکیار مولس، ”نگے کھیوجا لدینبا لدینبا زیرّاد، نگا نی لوگرے گھوبو این۔

لاپا لُوگ گُونّی داگپو یانگ لُوگ زی زانگپو مان پاسانگ، شانگکو یونّگا تھونّگاچیگ کھو لوگّون پھانگستے شورّانوگ۔ تینے شانگکوی لُوگُو گُونلا حملہ چوستے تھایان چوگین۔

حضرت عیسیٰ مسیح مولس، ”نگے کھیوجا لدینبا لدینبا زیرّاد، لوگرے نانّگا گھونے مایونّگا سیگپے کانے دزاگستے یونگکھانگون کونما تانگ چاگپا اینوگ۔