1
Kèʼlo 3:6
ŊWÀʼ NYÙY
Wiíy leéy kicí kiy, e yèn, a kí bóŋ féyì fó kfər, e kfə̀n yèn, a kí kiʼ kijuujùŋ, a kòŋ feyì fóo kfər, a ker vifií. Wù nèn kòy, e kfə̀r, e kfə̀n fò lúm və, wù kfə́r sá.
Qhathanisa
Hlola Kèʼlo 3:6
2
Kèʼlo 3:1
Á bèy, fo mvə̀m vifa ve NYùY TàR, wun woo Nyùy‑iì bomen, yò nèn fìír, e shaà vifá vidzə̀m. Yì lò, e dzə̀r e wiíy jii, «Nyùy kù yòʼ‑oò lo shàʼnín rú ji lá vèn yòʼ kfə̀r kicí kímóʼ kí fó kiboo fen a?»
Hlola Kèʼlo 3:1
3
Kèʼlo 3:15
M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»
Hlola Kèʼlo 3:15
4
Kèʼlo 3:16
Fo ké wiíy ki, Nyùy suúy jii: «M wíy dzə̀sì ŋgeʼ yè e ŋàáŋàŋén é ghan se à dzəə̀n e bvə́me, e dzə̀sì nyár yé e ghan se à dzəə, aà kù wíy a baŋrí a dzə̀ lum wò, a kù wíy a ker wun sáʼ, áà wáa yu fo fo.»
Hlola Kèʼlo 3:16
5
Kèʼlo 3:19
À wíy a lìm, a ndzə̀ʼnìn, e bó a koóy kifá ké a yi. Kù bey, e meé e ghan se à wíy kpu. Mo mò‑oò bomen wò e nsay, aà dzə̀ nsay, à kù wíy kfən e nsay.»
Hlola Kèʼlo 3:19
6
Kèʼlo 3:17
Fo lùmèn kiliŋ, wù suúy jii: «Mo à yuun ji wiiy wò, e kfə̀r kicí ke mò‑oò shaʼnin e wò ji lá à yòʼ wìy kfə̀r, m shòv ne nsay bìʼ wò. Dù meé mo à wíy kpu, à kù wíy a sòrkìr sòrkìn, e bó a koóy kifá fo nsay, a yi.
Hlola Kèʼlo 3:17
7
Kèʼlo 3:11
NYùY TàR nèn dzə̀r jii, «À ghàn é le, bóo kiíy ji à dzə̀ kinshóʼ? À kfə̀r ne kicí ke mò‑oò shaʼnin ji lá à yòʼ kfə̀r kiy à?»
Hlola Kèʼlo 3:11
8
Kèʼlo 3:24
Wù jùm, e lèm vifá veé yuv ve ghaʼtín ví é mbìv kiboò yee fo shùy yii tó ji lá wìr yòʼ shaà, e dù fo kicí ke kí fó dzəʼə̀m ki dzəə̀n. Wù kfən lèm nyùy ye yì‑iì bavkìr moo kiliímé ke və̀y, binkìr mbìv sidzə̀m, ji yì wáa kìŋsìn sa.
Hlola Kèʼlo 3:24
9
Kèʼlo 3:20
Adam nèn lò, e shù yír wiiy və ji Efa, bìʼ fo wìr msòŋ e dzə̀m kù‑uù wíy ràm a dzə̀ fo wun.
Hlola Kèʼlo 3:20
Ikhaya
IBhayibheli
Amapulani
Amavidiyo