Amavesi eBhayibheli adumile avela kokuthi San Mateo 2

Dlulisela

Chi tyu̶jktu̶gu̶u̶ygyu̶xy, y ijxku̶xy je̱'e̱ pi'kma'axúng mu̶u̶d je̱'e̱ tyaj, je̱'e̱ María, y chi ñayñajtzkojxtu̶na'awu̶u̶yu̶ ajku̶xy; cham ja'aymye̱jtz o'owu̶dajtku̶xy. Chi je̱'e̱ pyi'kkaaju̶ yaj'awaach ajku̶xy y yajpu̶dzu̶u̶mgu̶xy je̱'e̱ ooru̶, je̱'e̱ poom y mirra tzooy y mooy je̱'e̱ pi'kma'axúng ajku̶xy.

Jim je̱'e̱ Jesús mya'axung'ajty ma je̱'e̱ kajpt tu'ug xyu̶u̶'átyu̶ñ Belén, Judea naaxjooty, mu̶'it ko najty je̱'e̱ Herodes y'ane'emy ma je̱'e̱ jimbu̶ naaxjootyu̶ñ. Mu̶'it je̱'e̱ u̶xpu̶kytyu̶jk nije̱' jya'tku̶xy jim Jerusalén mu̶dyiibu̶ ju̶gue̱m tzóngu̶xpu̶ñ ma je̱'e̱ xu̶u̶ pyu̶dzu̶myu̶ñ mu̶dyiibu̶ je̱'e̱ mu̶dza'a najty ni'u̶xpu̶gu̶u̶ygyu̶xpu̶ñ, y chi yajtu̶u̶y ajku̶xy: —¿Ma je̱'e̱ judío ja'ay y'ane̱'e̱mbu̶ ajku̶xy je̱'e̱ mu̶dyiibu̶ tu̶ mya'axung'átyu̶ñ? Tu̶ u̶u̶ch je̱'e̱ myu̶dza'a n'ijxu̶ ajku̶xy ko tu̶ pyu̶dzú̶my y paadyu̶ch tu̶ nmiingu̶xy n'o'owu̶dattaangu̶xyu̶ch.

Ko je̱'e̱ u̶xpu̶kytyu̶jk je̱'e̱ mu̶dza'a du'un ijxy ajku̶xy, chi xyooñ y'ijty ajku̶xy.

Ko najty tu̶ ja'aymye̱jtz o'owu̶dajtaaygyu̶xy, chi je̱'e̱ Dios kuma'ayjyooty ñu̶maayu̶ ajku̶xy ko ka'p jim mu̶baad y'oknaxu̶u̶ygyu̶xnu̶ ma je̱'e̱ Herodes najtyu̶ñ, chi wyimbijtku̶xnu̶ ma je̱'e̱ ñaax kyajpt ajku̶xyu̶ñ, wiing tu'u ñu̶kxu̶u̶ygyu̶xnu̶. Ko najty je̱'e̱ u̶xpu̶kytyu̶jk tu̶ wyimbijttaaygyu̶xnu̶, chi je̱'e̱ Windzú̶n Dios y'ángel tu'ug kuma'ayjyooty ñayyajni'igu̶xu̶'ku̶ ma je̱'e̱ Joseju̶ñ, y chi je̱'e̱ José nu̶maay: “Pu̶du̶'u̶g, mu̶dtzoon je̱'e̱ pi'kma'axúng yaa mu̶u̶d je̱'e̱ ñidaj, nu̶kx jim Egipto naaxjooty ke̱e̱ktzookku̶x. Wu̶'u̶mu̶u̶ygyu̶x jim u̶xtu̶ koonu̶ n'awaanu̶ch ajku̶xy mu̶naa jim mu̶baad mwimbijtku̶xnu̶ju̶ñ, je̱' ko je̱'e̱ Herodes je̱'e̱ pi'kma'axúng u̶xta'awa'añ y yaj'o'oga'añ.”