Amavesi eBhayibheli adumile avela kokuthi लूका 23

Dlulisela

तेकर ईसू हर कहीस, “ए दाऊ, एमन ला तंए छमा कएर देबे, काबरकि एमन नई जानें कि एमन का करत हवें।” तेकर सिपाही मन चिट्ठी डाएल के, ईसू कर ओढ़ना ला बांएट लेहीन।

ईसू हर ओके ला कहीस, “मंए तोके फूरोंच कहथों कि आएज तंए मोर संगे, सरगलोक में होबे।”

तब ओहर कहीस, “ए ईसू, जब तंए अपन राएज में राजा बएन के आबे, त मोर सुरता करबे।”

तेकर ईसू हर जोर से चिकेर के कहीस, “ए दाऊ, मंए अपन आत्मा ला तोर हाथ में सोंपत हों।” अऊ एकस कहीके ईसू हर मएर गईस।

जे घनी ओमन ओ जघा में पहुंचीन, जे जघा ला खोपड़ी कथें, त ओजग ईसू ला अऊ ओ दुनो अपराधी मन ला, ओकर संगे कुरूस में चघाए देहीन, एक झेला ओकर जवनी कती अऊ दुसर झेला ओकर डेरी कती।

ओ मझेनी कर जुआर करीबन बारह बजे रहीस, तेहीच घनी ले तीन बजे दिन तक, सबेच देस में अंधार छाए रहीस, काबरकि बेर हर इंजोर नई देहत रहीस। अचाकन मंदिर कर परदा हर, मझार ले चिराए के दुई टुटका होए गईस

जे घनी रोमी सेना कर एगोट सुबेदार हर, ओ जग जे जाएत होए रहीस ओला देखीस, त परमेस्वर कर बड़ाई करे लागीस अऊ कहीस, “फूरोंच में ए मईनसे हर बिगर कसूर कर रहीस।”