Amavesi eBhayibheli adumile avela kokuthi Matteiu 24

Dlulisela

E perchè l’ iniquità sarà grande, la carità diminuirà in molti. Ma quellu, che persevararà finu a la fine, quellu sarà salvu.

E questu vanghielu di lu regnu sarà predicatu in tuttu l’ universu, per tistimunianza a le nazioni: e allora vinirà la fine.

Perchè sintirete parlà di guerre, e di rumori di guerra. Badate di nun disturbavvine. Perchè bisogna, che queste cose abbinu locu, ma nun è la fine.

Ed in fatti si sullivarannu populu contra populu, regnu contra regnu, e ci sarannu peste, fame, e terramoti in diversi lochi. Ma tutte queste cose sonu lu cuminciamentu di li dulori.

Lu celu e la terra passarannu, ma le me’ parole nun passarannu.

Perchè molti vinirannu in lu me nome, dicendu: Eiu so’ lu Cristu: e seduciarannu molta ghiente.

Allora vi ghittarannu nele tribulazioni, e vi ammazzarannu: e sarete in odiu a tutte le nazioni per causa di lu me nome. Ed allora molti si scandalizarannu, e si tradirannu l’ un l’ altru, ed aurannu odiu l’ un contra l’ altru. E cumparirannu molti falsi prufeti, e seduciarannu molta ghiente.

E Ghiesù rispose ad elli: Badate, che qualchidunu nun vi seduca.

E perciò voi stativine pronti: percosa nun sapete, in che ora vinirà lu Figliolu di l’ omu.

Adunque vegghiate, perchè nun sapete, in che ora deve vena u vostru Signore.

Ma di lu ghiornu e di l’ ora nimu ne sa nulla, mancu l’ agnuli di li celi, eccettu lu solu Babbu.

Perchè surtirannu fora falsi cristi, e falsi prufeti: e farannu gran miraculi, e grandi prove, per putè inducia in l’ errore (se è pussibile) ancora li eletti.

Come in li tempi di Nuè, cusì sarà in la vinuta di lu Figliolu di l’ omu. Ed in fatti siccome in li ghiorni prima di lu diluviu magnavanu e biianu, e si maritavanu e davanu le donne a lu maritu, insinu a lu ghiornu, che Nuè intrò in l’ arca, E nun s’ accorsinu di nulla, fintantu che fu ghiuntu lu diluviu, che li si purtò tutti: cusì sarà la vinuta di lu Figliolu di l’ omu.