Amavesi eBhayibheli adumile avela kokuthi Luuka 3

Dlulisela

Humbisa utondehe baatu boosi, Yowani atondihi kaka Yisu. Na bu Yisu hakasambila, yulu laadibumi, na Livupu la Ngidi laakulimini ŋa yulu a nde we libembe. Na ndaha mosi yamati hu yulu: «We ni Mwana a me wu litondo, wu me umbapfulala utondo.»

Yowani afutili huli boosi: «Me, me ndi mu utondehe benu mu mamba. Ka, wu uli mu uya, afulala me matwala, na me a handi tso wu akuha mu uba muviha, mu unyangula midi mi bikodi bya miilu mya nde ve. Nde wuuna utondehe benu mu Livupu la Ngidi na mu mbaahu.

Ni mu buuna, butaani mbutu yi yi ukaata imbangi ti benu limisobo mbiili a benu. Na a lilelesene mu mitima mya benu ve ti: “Bisu lili na taata a bisu Abrahami.” Ka me ndeele benu ti, mamanya momanima, Nzambi utwala ukitusa mo baana ba Abrahami.

Paa pibi bamiivangimasa mu ukwanga muti mu manganzi. Ni mu buuna, pasi muti wu uvelebuta mbutu yimbwe, bu ukwanga nde na ubwaha nde hu mbaahu.»

Ni we bu baasonehe mu muhanda a mambu ma mumbihuli Esaya: «Ni ndaha a muutu wuna wu uli mu ufulaha mutso a kumu a nzala: Vangaani luuha la Pfumu, sungahani misoho mya nde. Kisalaani mitsundu myosi, syengaani bisyelo na bitukidi bikituha bidede. Sungahani manzila ma maatengeme, na syengaani misoho mimilahi mi mabaku. Buuna baatu boosi bu umono liyobolo la Nzambi.»