Amavesi eBhayibheli adumile avela kokuthi Jenesis 13

Dlulisela

Namono te gnafa te filo laodi iagho are iara ginauna tusu ari ka iagho nei ka vikemu iagho gre eghu. Namono igne ginauna na nomi ghotilo fabrahu tifa e tifa.

Ke leghugna jifla tela teihi mae Lot na, LORD ne mei cheke eghu ka mae Ebram, “Ebram, filo tongana sagho ka vido biꞌo ana. Filo lao ke maghati nei ke mosu nei ke raru nei ke mhata eghu.

Iara ginauna na eni thumu iagho gre mala vuragha e thovu fara jateula nusu eghu. Jame la kahadi ngau mare u nusu igre ame tangomana nga mare te kahadi thumu iagho gre eghu!

Aonu mae Ebram ne cheke eghu ka mae Lot, “Theome keli te au mei kaisei magra fari hoteida tapa nei fari hoteidi noda mae gloku gre teuna. Naugna tapa gne kaisei vike ngala.

Aonu mae Ebram ne jifla ka vido igne ne tei au ka namono Hebron. Jare mana ne hohoro haghe nogna suga tapuale na rhegna gaju biꞌo Mamre. Aonu mana ne hohoro nogna olta LORD na jare.

Mae Lot filo laodi vido glose te au pari ka sare gna khoꞌu Jordan te tei posa ka namono Soa. Mana laseni jare na kmana khoꞌu nei famane glose fara jateula nagare Eden nei jateula kantri Ijep eghu. Ka narane igne LORD theome roꞌedi ngau phei namono biꞌo Sodom ghe Gomora te au ka sare teuna.