Amavesi eBhayibheli adumile avela kokuthi ወንጌል ዘዮሐንስ 3

Dlulisela

እስመ ከመዝ አፍቀሮ እግዚአብሔር ለዓለም እስከ ወልዶ ዋሕደ መጠወ ወወሀበ ቤዛ ለኵሉ ከመ ኵሉ ዘየአምን ቦቱ ኢይትኀጐል አላ ይረክብ ሕይወተ ዘለዓለም።

እስመ ኢፈነዎ እግዚአብሔር ለወልዱ ውስተ ዓለም ከመ ይኰንኖ ለዓለም ዘእንበለ ከመ ያሕይዎ ለዓለም በእንቲኣሁ።

ወአውሥአ እግዚእ ኢየሱስ ወይቤሎ አማን አማን እብለከ ዘኢተወልደ ዳግመ ኢይሬእያ ለመንግሥተ እግዚአብሔር።

ዘየአምን ቦቱ ኢይትኴነን ወዘሰ ኢየአምን ቦቱ ወድአ ተኰነነ እስመ ኢአምነ በስመ ወልደ እግዚአብሔር ዋሕድ።

ወዝ ውእቱ ኵነኔሁ እስመ ብርሃን መጽአ ውስተ ዓለም ወአብደረ ሰብእ ጽልመተ እምብርሃን ፈድፋደ እስመ እኩይ ምግባሩ።

ወእንቲኣሁሰ ትበዝኅ ወእንቲኣየሰ ተሰልጠት።

እስመ ኵሉ ዘእኩይ ምግባሩ ይጸልእ ብርሃነ ወኢይመጽእ ኀበ ብርሃን ከመ ኢይትከሠቶ ምግባሩ እስመ እኩይ ውእቱ።

ዘየአምን በወልድ ቦ ሕይወት ዘለዓለም ወዘሰ ኢየአምን በወልድ ኢይሬእያ ለሕይወት ዘለዓለም አላ መቅሠፍተ መዓቱ ለእግዚአብሔር ይነብር ላዕሌሁ።

ወበከመ ሙሴ ሰቀሎ ለአርዌ ምድር በገዳም ከማሁ ሀለዎ ለወልደ ዕጓለ እመሕያው ይሰቀል።

አብሰ ያፈቅር ወልዶ ወኵሎ ኵነኔሁ አወፈዮ ውስተ እዴሁ።