Amavesi eBhayibheli adumile avela kokuthi SGK 3

Dlulisela

Lɔ lɛ yɛ, mà da nɛ lɛ á siĩn yɔrɔ-a á la yii ni, mà a bii doamaa nɛ a goã kɔɔ̃n lɛ-n, mà min yii á boe li, mà á boe la a min yiri bũ. A ná a nɛ goon na, á bii, á ǹ kɔ́n kɔ ǹ zuũ la a li, a dɔ́ bii.

Dɛnaa Lawa don mànan mɛnɛn tumaa zɛnaa, miɛ̃ yiri goã wooro, á la ǹ tumaa nɛ. Á nɔ̀n da lɔ la kɛnɛn: «Lawa pɛ ka nɛ sonbore, mà ka baran dù gɔrɔ lɛ a da nɛ kɔ́n bii wa?»

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Á tɔ́n pɛ lɔ dɔ nɛ kɛnɛn: «Bɛ̀ ń tá nɔ̀ nɛ ǹ mɛn waáraa, má á re màn diɛ n nɔmaa li, n tá re nɛ yii ka là paparɛɛ nɛ. Giã kun ka n zuũ-n tá re goɛ̃ wɛ̃ nɛ n ganaa, sɛnɛ, n zuũ n die goɛ̃ n mìi la.»

N tá re sɛ̀fuu koɛ̃ n pɛsɛ̃ n tɔn nə n lɛ-a ǹ bii yɛ, yǎa n wusii n woe tán, n bɛ́ ń bɔ tán mɛn lɛ nɛ. N nə ǹ tii lɛa, n nə ǹ die wusii n wo tii li.»

Bɛ kio á tɔ́n pɛ giĩ ni: «Ma bɛ́ má pɛ má laa n ganaa, máa n baran da mɛn a nɛ bii wa, n bɛ́ ń nə́ n saa n lɔ a boo li ń bii, man die lɛn pipiã bíi tán li, n din lɛ taman yii. N yiikoonaabaa gɔ́ɔ̃ nɛ, n la n die paparɛ n tɔn nə n lɛ-a ǹ bii yɛ a nɛ.

Dɛnaa Lawa tɔ́n nɔ̀n da la: «Die na á pɛ n nɛ, mà n tontoro ne? Ma bɛ́ má pɛ n nɛ, máa n baran da nɛ mɛn bii wa, ma nə́ n bɛ lɛ bii ya?»

A bɛ́ á ǹ loo á ǹ bɔ a nɛ ǹ mɛn waáraa, a na á lon màn yiikoonaan doa Edɛn dù gɔrɔ lɛ a lɛ̀giala gɔn la. Gɔya sà tɛ-pɛle n bɛn gɔn, ǹ nə́ pepere bǎã yii ni, yiikoonaabaa ǹ da lɛ a zii lɛduĩ ni.

Giĩ lɛ ná a lɔ lɛ tɔ kɔ Ɛvu, bɛ giala mà "Yiikoonaa", a giala a din na á yiikoonaan tumaa a náa baa.