Amavesi eBhayibheli adumile avela kokuthi LUKA 6

Dlulisela

Perekani kuna anango, tenepo Mulungu anakupasanimbo. Iye anakhuthulira m'manja mwanu mdida wakudzala, wakutsindirika, pontho wakutayikira. Mdida unapasa imwe anango, Mulungu anaphatisa basa mdida onthowo kupasambo imwe.”

Munthu wadidi ambalonga pinthu pyadidi pimbakoya iye mumtima mwache; munthu wakuipa ambalonga pyakuipa kubulukira m'pyakuipa pimbakoya iye mumtima mwache. Thangwi mulomo umbalonga pinthu pyakudzala mumtima.

Tayu! Afuneni anyamalwanu pontho achitireni udidi. Fiyalisani mbamukhonda dikhira kubwezerwa. Tenepo munatambira mfupo ukulu, mbamukhala ana a Mulungu Wakudzulu-dzulu. Thangwi iye ambachitira udidi anthu akuipa, pontho na okhonda pereka takhuta ene.

Khalani na nsisi ninga zina Babanu.

“Lekani tonga mseru anthu anango, tenepo Mulungu nee anakutonganimbobi. Lekani longa kuti anthu anango akonwa, tenepo Mulungu nee analongambo kuti mwakonwa tayu. Lekererani anthu anango, tenepo Mulungu anakulekereranimbo.

“Mbwenye imwe anyakundivesera, ndikukupangani kuti afuneni anyamalwanu, chitani udidi kuna anyakukuzondani. Tsanzayisani anyakukutembererani, pontho apempherereni anyakukuboneresani.

Chitirani anthu anango pinthu pimbafuna imwe kuti iwo akuchitireni.

Ngakhala munthu unango anakumenya phutu ibodzi, mpase amenye inangoyo. Munthu angakupokosera mkhanjo wako, mpase pontho na mayalako ene. Munthu anakupempha chinthu, mpase. Pontho munthu angakwata chinthu chako, leka kumbwezesa.

“Muti wadidi nkhabe bala nsapo zakuipa tayu. Chibodzi-bodzi, muti wakuipa nkhabe bala nsapo zadidi tayu.

Miti yonsene imbadziwika na nsapo zimbabala iyo. Imwe nkhabe tchola nkhuyu m'mikandankhuku, penu kutchola mfesa m'muti wamphinimini tayu.