Amavesi eBhayibheli adumile avela kokuthi LUKA 14

Dlulisela

“Munthu anadza kuna ine mbakhonda kundifuna piringana mumbafunira iye babache na mache, mkazache na anache, abale ache na anyamaingache, pontho ninga mumbapifunira iye mwenechiro, hanakwanisa kukhala nyakufunzanga tayu.

Nyakukhonda sasanyika kuona nyatwa na kufa kwene na kunditewera hanakwanisa kukhala nyakufunzanga tayu.

Thangwi onsene anapikuza okha ene anachepeswa, pontho onsene anapichepesa okha ene anakuzwa.”

Ntchibodzi-bodzi, nkhabe mbodzi pakati panu anakwanisa kukhala nyakufunzanga angakhonda kusiya pyache pyonsene pina iye.

“Ngakhala unango pakati panupa anafuna kumanga nyumba, chakutoma iye ambakhala pansi mbalengesa kobiri zakufunika, towera aone ngakhala ana kobiri zakukwana kumalisira nazo nyumba. Angakhonda chita tenepo, mwinango anaikha maziko a nyumbache ile basi mbapichimwana kuimalisa. Tenepo anthu onsene akuona penepi, anamseka. Iwo analonga kuti, ‘Munthuyu adatoma kuimanga nyumba, mbwenye apichimwana kuimalisa.’

Mbwenye ungasasanya phwando, chemera anyakutcherenga, anyakulamala, anyamfutete na maboli-boli. Tenepo unakhala wakutsanzaya, thangwi iwo nkhabe chinthu chakuti akubwezerembo tayu. Mulungu ndiye anakubwezera pandzidzi unalamuka anthu akulungama kuimfa.”

“Munyu ngwadidi, mbwenye ungasuluka, unanyung'unyiswa nanji pontho? Unakhala wakusowa basa m'munda na pakhuku ene; umbatayiwa. Ule ana makutu akuva, mbave!”