Amavesi eBhayibheli adumile avela kokuthi YOHANI 16

Dlulisela

Ndakupangani penepi towera mukhale na mtendere pakuphatanizana kwanu na ine. Dziko yapansi pano inakuonesani nyatwa, kwache wangisani, thangwi ine ndaikunda!”

Mbwenye Mzimu Wakuchena, ambatchululira pyakuonadi pya Mulungu ule, angafika, anakuchitisani kuti mudziwe pyakuonadi pyonsene. Iye hanalonga na utongi wache ene tayu, mbwenye analonga pimbampanga Baba, tenepo anakupangani pinthu pinafuna kudza.

Kufikirana chinchino pano imwe nee mwapempha chinthu na chibodzi chene na dzinanga tayu; pemphani, tenepo munati mupitambire towera mukomerwe monsene mwene.

Mbwenye ndikukupangani pyakuonadi kuti mphyadidi kuna imwe kuti ine ndiende, thangwi ndingakhonda kwenda, Nyakuphedzera nee anabwera tayu. Mbwenye ndingaenda, ndinati ndimtumize kuna imwe. Tenepo iye angabwera anatsikimizira anthu a pansi pano kuti kunyerezera kwawo pa pyakudawa, chilungamo, pontho na kutonga mseru kunafuna dzachita Mulungu nkhwakudawika.

Ipyombo pili sasawa kuna imwepo, chinchino imwe mukutsukwala, mbwenye ine ndinakuonani pontho, tenepo mitimanu inakomerwa pyakwanga, kukomerwa kwakuti nee mbodzi anakwanisa dzakumalisa tayu. “Nsiku yeneyo ingafika, imwe nkhabe dzandipemphave pinthu tayu. Ndikukupangani pyakuonadi kuti Baba anakupasani pyonsene pinampempha imwe na dzinanga.

Ndikukupangani pyakuonadi kuti imwe munalira na kusintili, mbwenye anthu a padziko yapansi anakomerwa; imwe munatsukwala, mbwenye kutsukwala kwanuko kunasanduka kukomerwa.