Amavesi eBhayibheli adumile avela kokuthi Joh 16

Dlulisela

Ndabwîra mantû jaja, nîkenda bwîthîrwa bûrî na thîîrî bûrî ndeene yaakwa. Bûkathangîka mono bûrî nthîgûrûûne îndî ûmîîrieni nîûntû ni nî ncindîte nthîgûrû.”

Rîrîa Roho ûu wa ûûma akeeja, akabûritana ûûma bûnthe. Nîkwîthîrwa atîtua kwaragia na bwaawe wengwa îndî agatua kwaragia mantû jonthe jarîa akaigua na abwîrage mantû jarîa jakeeja.

Mwanka nandî gûtîkîo bûraromba bûgîtumagîra riîtwa rîaakwa. Rombeni na bûkoona kîrîa bûkûromba nîkenda bwîthîrwa bûrî na kûgwîrua kûrîa gûtîthiraga.

Ga nkûbwîra na mma atî, nî kaaba mbîte nîkenda bûgunîka nîûntû ndarega gwîta, Mûeejani kîrîra atîîja kîrî buî. Îndî ndeeta nkamûtûma kîrî buî. Rîrîa akeeja, akamenyithia nthîgûrû meeyia jaayo na waagîru na ûrîa Mûrungu akamîgambithia

Nandî buî nî bwithikîrîte; îndî nkabwona kaîrî, na nkoro cieenu igwîrue, na gûtî we ûkabûtuunya kûgwîrua kweenu. Îgiita rîu gûtîkîo bûkandomba. Ga nkûbwîra na mma atî, kîrîa kîonthe bûkaromba Baaba bûgîtumagîra riîtwa rîaakwa akabûnenkera.

Ga nkûbwîra na mma atî, bûgakaya na bûrîre, îndî nthîgûrû îkagwîrua. Buî bûkaithikîîra îndî kwithikîîra kweenu gûkagarûka kwee kûgwîrua.